السودان الان السودان عاجل

شكوى من غرامات غير قانونية على طريق (أم درمان ــ بارا)

جريدة الديمقراطي
مصدر الخبر / جريدة الديمقراطي

اشتكى تجمع سائقي عربات الهايس من فرض شرطة المرور بطريق بارا أم درمان رسوماً غير قانونية عليهم، كاشفاً عن غرامات مالية كبيرة تفوق قيمة المخالفة المحددة بـ “100” جنيه، عبر إيصالات حكومية صادرة من وزارة المالية والاقتصاد بولاية شمال كردفان.
وقال رئيس رابطة سائقي عربات الهايس، عبد الرحمن فضل، خلال تصريحات صحفية إن رجال المرور في نقطتي عبور”جريجخ”26″ كيلو متر من بارا ونقطة عبور “اندرابة “60” كيلومتر من الخرطوم يفرضون عليهم غرامات وإيصالات مالية “تسوية درجة أولى بمبلغ”3” آلاف جنيه ذهاباً ومثلها إياباً أي “6” آلاف جنيه في الرحلة، علما بأن قيمة المخالفة لعدد الركاب “100” جنيه فقط حسب المادة “51” من قانون المرور.

عن مصدر الخبر

جريدة الديمقراطي

جريدة الديمقراطي

تعليقات

  • مخالفة بي 100 جنيه؟؟
    دي ولا حق الورقه الكتبوها فيها.
    اقل غرامه مفروض 5 ألف والمتوسط 20 الف عشان الناس تلتزم وايرادات الدولة تزيد

    • لو كنت سائق عربة في الخط داك ده ما بكون
      كلامك، اتقي الله يا زول، الزول ده بقول ذهابا وايابا، يعني كان ماشي مشي قانوني حيقطعو الايصالات دي يعني المواطن هو المتضرر لأنو سعر التذكرة حيزيد،،، وتفتكر القروش دي حتدعم ليك ميزانية خليهم يصلحو ليك الطرق اول 😅

  • علي ما اعتقد شرطة المرور عندهم نسبة في الايصالات البقطعوها للسائقين، عشان كدة لازم يفتش ليهم كمية من المخالفات ويكتب تسويات ما تعرف التسويات دي شنو، ناس ما بتخاف الله يمصو دم المواطن حتي يموت، بس الله يمهل

  • الشارع دا فيو مسافة ربع كيلو صيانة وقافل ليو سنة ماعارف بصينو في شنو اليات واقفة اكلتا الشمس وماف عمال من سنة والناس بتتقلب بسبب الصيانة دي منو المسؤول
    والقروش البياخدوها دي لي مايصينو بيها