السودان الان السودان عاجل

التوم هجو : مافي زول عندو تفويض باسمنا حتى الشهداء

الراكوبة نيوز
مصدر الخبر / الراكوبة نيوز

أكد رئيس مسار الوسط التوم هجو وقوفهم مع تفكيك الانقاذ ورفض ما وصفه بتركيب تمكين آخر، وفيما يتعلق بالمصالحة مع الإسلاميين ذكر: نحن لسنا مع تجريم الكل وانما مع براءتهم إلى أن يثبت تورطهم في جرائم ونرفض أخذ الناس بالشبهات واستبدال ايدلوجيا بأخرى.

وقلل من الانتقادات التي اثيرت حول المسار وعدم امتلاك قادته للتفويض الشعبي وقال في المؤتمر الصحفي الذي عقدته الجبهة الثورية بقاعة الصداقة أمس، التفويض بالحق والجبهة الثورية تقدمت من أجل القضية ومثل لذلك بأن الذين خرجوا وتظاهروا في الشارع ضد نظام الانقاذ لم يمنحهم أي أحد تفويضاً بذلك وحتى الذين استشهدوا في الثورة، وزاد: مافي زول قال ليهم أمشوا باسمنا.

المصدر من هنا

عن مصدر الخبر

الراكوبة نيوز

الراكوبة نيوز

تعليقات

  • يا اخوانا ليس دفاعا عن السيد التوم هجو و الجبهه الثوريه هم زعلانين من اليساريين و القومجيه المسيطرين على قحت لانهم رفضوهم و اقصوهم و تم طردهم عند قدومهم الى السودان بعد نجاح الثوره! طبعا الان تحالف قحت ضعف و الجبهه الثوريه فى قمه نشوتها بالاتفاق الأخير، على العموم دى الحاصل، ما فى زول بقدر يقلل من تضحيات الشهداء و الثوره الشعبيه، السيد التوم حاول يغلف الكلام و لكن لو كنت مكانه مفروض يسمى مقصده و يكون واضح، الله يحفظ بلدنا و ينعمنا بالسلام،

  • وقاحة وقلة ادب غير مسبوقة فال ما فوضت الثوار عشان يمرقو باسمنا انت منو عشان تفوض او لا تفوض يا دجال
    حرام والله واحد ابله وبهذه السطحية يعطى موقع قدم في سلطة الثورة
    ربنا لا تؤاخذنا بما فعل السفهاء منا

  • نطالب الدول الصديقة بمدنا بعقار الغباء السياسي . فأحزابنا تعاني الآن من الموت السريري في مستشفى الثورة . شفا الله الامام الصادق

  • بالله عليكم دا كلام يقولو واحد بيعرف سياسه ؟ بالله عليكم في واحد في سنه اولي سياسه يقول جنس الكلام دا ؟ ياخي انت الجابك منو… والجاب ناس الكفاح المسلح منو ؟؟ انت عوير ولا بتتعاور ؟؟ انت ذاتك منو البعرفك ؟؟جيت من امريكا تدير سوبرماركتات وتجي تبرطع هنا من اجل ركوب المناصب ….وكمان تخلق مسارات لم تخطر ببال احد ابدا… سلط الله عليكم ايها العواطليه!!!