السودان الان السودان عاجل

وزيرة المالية : الدولة مافيها قروش وماشة بقدرة قادر

صحيفة حكايات
مصدر الخبر / صحيفة حكايات

الخرطوم – عماد النظيف
أقرت وزيرة المالية والتخطيط الاقتصادي المكلفة، هبة محمد علي إن البلاد تعاني من شح في الموارد الاقتصادية، وأضافت أن »الــمــوارد الموجود غير كافية لسد
احتياجات البلاد«، وزادت: »نحن السبب في المشاكل، والدولة مافيها قروش وعديمة مـــوارد والــظــروف صعبة والاحتياجات كثيرة«.
وقالت الوزيرة في تصريح لـ)حكايات ( إن جائحة كورونا تسبب في خسائرة فادحة للاقتصاد رغم أن اقتصاد السودان فقير ويعاني من أزمات، وأضافت قائلة »مرتبات
العاملين بالدولة كبيرة ومواردنا ضعيفة شغالين تلقيط تجيب القمح، الغاز يقطع ونستورد وقـود يكون غير كافي الدولة ماشة بقدرة قــادر«، »رغـم ذلك الشعب السوداني صابر وهنالك بصيص أمل«.

وأعلنت هبة عن تحسن صحتها، بعد مرور عشرة أيــام من دخولها الحجر الصحي عقب إصابتها بكورونا، وأوضحت بأنها ممتنة للشعب السوداني، وطالبت باتباع
الارشــادات الصحية لان »المرض صعب شديد«، وأردفت : ممتنة لكل من دعا لي بالشفاء والصحة«، وقالت انها ستخضع لفحص أخير بعد ثالثة أيام لالطمئنان.

عن مصدر الخبر

صحيفة حكايات

صحيفة حكايات

تعليقات

  • النبى فيكم كمّا فجّيتولا ترقُص..”وزيرة الماليه”.. بعدما فكّت الشَّعَر وقدلت بالفستان الاصفر! شرطن انصاف فتحى تغنّيلا ” فى دياروم حجبوا القمر”! وحسن شرف الدين بالجلابيه ” الشجر اقلام جميع والنيل مداد”! الله يكفيهم كولّهُم شر عيونكم!

  • مدير البوليس دا ما لقالو شيتن يشغل بيهو وكتو غير “طهور البنات” اسالوه لى “الرسول مالك ومالِن”! البنات دايرات يطّهرن واهلِن عايزين ليهن “الشى الحار دا(آجلا وعاجلا) وكمان يعنى المعنى عشان لما يتعرّسن ويلدَن.. ما تقولو لبناتن ” اه يا بت الغلفا”! و هل انتو سألتو الرجال ان كانو عاوزنّهن عرايسُم”غُلُف” ولآّ مطهرات سُنّة ولآّ فرعونى؟ مدير البوليس دا موش احسن استبدالو قبل حمدوك!

  • مشكلة السودان الان ليست مشكلة شخوص بقدر ماهى دفع فاتورة لاخطاء ارتكبت سابقا والمشكلة ليست فى ذهاب هبة او حمدوك او حتى الحكومة كلها … المشكلة فى بنية تحتية منتهية وخدمة مدنية مدمرة … حكومة الفترة الانتقالية هى حكومة بناء لاشياء دمرت وليست حكومة منتخبة حتى تخضع للمحاسبة .. وهى حققت شعارات الثورة حرية سلام وعدالة وان كانت العدالة الى الان تسير ببطء ومرد ذلك القوانين السابقة … مافى حاجة امامنا غير الصبر وبعد ذلك سيتغير الحال باذن الله

    • انت واحد من الرعاع الخدعوهم وقالوا الكيزان دمروا البلد .. ومن غير ما تسال اي دمار هذا الذي دمره الكيزان ..
      استخراج البترول تدمير..
      انشاء الجامعات تدمير ..
      تشييد السدود تدمير ..
      ربط المدن بالطرق الاسفلتية تدمير ..
      توفير الخبز ٣٠ سنة دون توقف تدمير …
      توفير الغاز دليفري تدمير …
      توصيل الكهرباء لجميع قرى السودان تدمير …
      توفير الوقود بارخصر سعر وبلا صفوف تدمير ..
      والله ما ضيع ااسودان الا امثالك الرعاع .. تبا لكم

    • يازول اقولك من الاخر حلييييل الكيزان هسي ينط اهبل يقول انت كوز ..انا ماكوز مواطن عادي لكن للامانه مافي مقارنه نعم فيهم الفاسدين وفيهم الخيرين لكن الحاله الان صعبه وما في مقارنه بينها وبين عهد الكزان في عام سنة ٦ مامرت علي السودان

  • جميل جدا الصراحة هذا ما هو مطلوب الشفافية أبشري راح تحل فقط رفع الدعم مؤقتا توجيه الموارد لزيادة إنتاج النفط وإدخال مصافي جديدة وزراعة قمح و أرز بكميات أكبر

  • يس كان تقولي وين حصايل الصادر وين قعد تمشي وين حصايل صادر الماشية ووين حصيلة الصمغ والبرسيم ووين البترول المحلي قاعد يمشي وين؟؟
    انتي خايفة تقولي وناس الجيش يزعلوا استقيلي او حقوا حمدوك برضو يستقيل لكن كعب المريس ومتيس. خلوها للشعب يسقطها رابع وخامس.

  • كنتي فاكرا شنو سعادتك…ما اصلا البلد فيها شح موارد وفقرانة وعدمانة …وهم
    جابوك لشنو يعني من أساسه ….طيب إذا الشغلة شحده وتلاقيط لزوموا شنوا المخصصات والمكتب والجيش المعاكي ده……ياخي قولوا غلبتكم بس وإتخارجوا اليوم قبل بكرا وأدوا فرصة لغيركم ….تبا لكم كلكم ………

  • طيب لو افترضنا جدلا انو كلامك دا صاح
    الحل شنو??? قدموا استقالات جماعية وامشو. لكن كل وزير أو مسؤول يطلع يعيد نفس الكلام بدون مايقدم حلول وهوقاعد في منصبه … طيب انتو بتاخدو مر تبات ومخصصات علي شنو ،؟؟؟؟؟.

  • انت كفوه وبلاء علي السودان الله يقطع شرك ..ياخي ماتختي الوزاره و تمشى تكملي مراهقتك الصبيانية دا مامكانك ياعديمة الضمير ..الناس في شنو وانت في شنو . لكن الغلط مامنك من الحكومة .

  • اولا حمداللة على السلامة الوزيرة من الكرونا لكن انت مادام ماقادرة تبيعى الحاجات بتاعة لجنة التمكين وماقادرة توقفى تهريب الدهب والوقود والدقيق لى دول الجوار ومشغولة بى الجية والاناقة النبى فيك كان ما استقلتى الناس تعبت حرام عليك

  • دي وزيره عارضه ازياء ودوها تشتغل حنانه ولا اشتروها مكنه تطريز خلوها تلف فاكه شعرها قايله نفسها نوال الزغبي

  • طيب ما تتخارجى طالما اعترفت بالفشل يجر اخر عنده الشجاعه والقدرة على احداث اختراق. السودان اكبر بلد فيه موارد لكن مشكلته فى الاداريين الزيكم

    • طيب قول أتخارجت .. خلاص مشكلتك أتحلت ؟ أش رايك نجيبك أنت الشاطر الفاهم ؟ ولا أحسن نجيب عمر البشير ؟