السودان الان

السودان: مواطنون يتحدون كورونا ويتجمعون بالآلاف في حفل فنان شهير

صحيفة الانتباهة
مصدر الخبر / صحيفة الانتباهة

الخرطوم: منى رضوان
تحدى مواطنون سودانيون الاجراءات الاحترازية للموجة الثانية لكورونا وتجمعوا بالآلاف في مساحة ضيقة لحضور حفل للفنان الشهير أحمد الصادق بنادي الضباط مساء السبت. وأثار الحفل جدلاً واسعاً في وسائط التواصل الاجتماعي وتباينت كثير من الآراء حوله ووصف بعض الأطباء التجمع بالخطير. في وقت دافع مجموعة من حضور الحفل عن التجمع وقاله بأنه لا يزيد في العدد عن الموجودين في صفوف الخبز وزحام المواصلات.
ورصدت محررة (الانتباهة أون لاين) بعض التفاعلات على مواقع التواصل الاجتماعي حيث كتبت د. يسرا محمد عبر حسابها: (هذا خطير ربنا يستر). أما الطبيب محمد عادل فنشر صورة لحفلة أحمد الصادق بنادي الضُباط وقال: معلقاً عليها: (بعد يومين تجوا تتباڪوا .. أبوي متضايق ما لاقين ليهو مستشفى، وأمي ماتت عشان مافي أڪسجين، ودايرين سرير عناية مكثفة لحبوبتي، و… و… و…). بينما قالت هند محمد: (ممكن سؤال بسيط .. كورونا دي بس في الحفلات حتنتقل لي يعني ما ممكن تنتقل لي من صفوف العيش البنقيف فيهو ما يقارب 5 أو 3 ساعات؟ .. مش في تناقض)؟. فيما أكد آخرون: (صفوف العيش أمر مجبورين عليه وهي تقلصت من السابق بعد ظهور الكروت لصرف الخبز، أما تواجد شخص بإرادته في زحام يحوي الآلاف من الناس في وجود خطر يهدد العالم هذا هلاك للنفس والآخرين). وقالت الأستاذة رباب عثمان لـ (الانتباهة أون لاين): (يجب على وزارة الصحة والمسؤولين أن تتوحد في قراراتها كيف تأجل المدارس وتسمح بإقامة حفلات تضم الآلاف من المواطنين؟ أنا أرى الاكتظاظ واقع يعيشه المواطن السوداني يومياً وقرار قفل المدارس وتأجيل الدراسة ضياع للطالب).

المصدر من هنا

عن مصدر الخبر

صحيفة الانتباهة

صحيفة الانتباهة

أضف تعليقـك

تعليقات

  • تحدي شنو
    الحكومه عايزه تلهي الشباب بحفلات الغناء لفشلها في توفير فرص عمل للشباب
    بعدين هي اصلا الحكومه كضااااااااابه
    الناس بقت لا تثق في تصريحات المسئولين لعدم مسئوليتهم
    الناس شافت استقبال الحركات المسلحة والمليونيه
    تاني خلاص زول بصدق الحكومه مافي
    وحقيقة كورونا موجوده والحالات كتيره جدااا
    بس مافي زول بثق في حكومه قحت