السودان الان السودان عاجل

مصادر تكشف فساد بنكي لوزير الزراعة في النظام البائد

مصدر الخبر / جريدة الديمقراطي

كشفت صحيفة الديمقراطي عن فتح حساب بنكي باسم وزير الزراعة بالحكومة المبادة، عبد الحليم إسماعيل المتعافي، متجاوزًا الإجراءات المالية والمحاسبية دون تصديقٍ من وزارة المالية.

وأشارت إلى أنّ المتعافي فتح في مايو 2009 حسابًا بنكيًا بالرقم”3390″ بالبنك الزراعي السوداني، من ميزانية وزارة الزراعة وباسم”وزير الزراعة” وبلغت جملة التغذيّات لهذا الحساب”308″ مليار و”80″ مليون و”378″ ألف جنيه، بما يعادل”134″ مليون دولار أمريكي بحسب سعر الصرف آنذاك.

وأوضحت أنّ جملة الصرف من هذا الحساب حتى يونيو2011، أيّ في عامين فقط ـ مبلغ”306″ مليار، و”185″ مليون و”154″ ألف جنيه حوالي”133″ مليون دولار أمريكي.

وكشفت الصحيفة عن أنّ المتعافي قام بشراء آليات وتراكتورات وحفارات ومعدات زراعية باسم هذا الحساب ولكنها لا توجد على أرض الواقع.

عن مصدر الخبر

جريدة الديمقراطي

تعليقات

  • تتذكروا الخبر بتاع صاحبنا داك الساقنا بالخلا وقال لينا ( في 62 مليار دولار في ماليزيا) اها ده اخو داك. السؤال المهم :متى تنتهي سواقة الخلا؟

  • 134 مليون دولار ياللهوووووول
    اذ فعلا اثبتت عليه يجب صلبه في ميدان عاااام عبره لغيره

  • صادروا شركة افى الزراعية المملوكه للمتعافى بتاع النيل الابيض. السيد وزير والى سنار سمعت. كلهم دخلهم السجن بتاعين القمح المعاك على زمه التحقيق يقبضوا ليك لمتعافى المطلوب لدى العداله. نناشد الزراعيين الشرفاء بفتح ملفات فساد المتعافى. الله يسالكم يوم القيامة والبلد جعانة

  • حسبي الله ونعم الوكيل,”134″ مليون دولار أمريكي ده عمل بها شنو؟ الجماعة ديل خربو بيتنا

  • ياخى يجب على الحق أن يقال أنتم الآن فى عام ٢٠٢٠ في شهر مايو استوردتم بصات للمواصلات هل هى الآن موجوده على أرض الواقع؟ ثم هذا المتعافى لم يستلم منصبا إلا وابدع فيه هنالك القطن الوراثى وضخامة الإنتاج وكبرى المنشيه ومستشفى شرق النيل أنا لأ ادافع عن الانقاذ ولكن كان يوجد فيها رجال قد انجزو وعلى الرغم من تايدنا للثوره لأ نمانع من عودة هولاء المبدعين…ولكم الشكر…الحق يقال

    • ده منطق شنو يا محمد عوض الله؟ يقول ليك الزول سرق ”134″ مليون دولار أمريكي تقول ما كل الناس بتسرق؟ ولا اي مسئول يؤدي واجبه او (ابدع) يحل ليهو يملاء جيوبه ويسرق؟ وتقول انت ما بتدافع عنهم؟ انت اسواء منهم.

    • ده شنو يا محمد عوض الله ؟ انت اسفل واحط من الكيزان السرقو, هم بلعوها واختفو وسكتو عليها وانت بدافع عنهم؟

  • ما حا تقـدروا تـديـنـوا . مش قال : انا ما كيشـا . يعنى زول حريف وما بترك وراءه ادلة تحاكموا بيها . طيب اظهر يا حريف ودافع عن نفسك .