السودان الان

قيادي بالتغيير: رفع الدعم لو تم (ثورتكُم راحت شَمار في مرَقة)

صحيفة الصيحة
مصدر الخبر / صحيفة الصيحة

 

الخرطوم- الصيحة

رفض عضو اللجنة الاقتصادية لقِوى الحرية والتغيير كمال كرار، اتجاه الدولة لسياسة رفع الدعم، واعتبر أن دعم السلع الاستراتيجية من صميم مهام الدولة وليس القطاع الخاص.

ووصف كرار في مناظرة، عن سياسة رفع الدعم بمقهى رتينة الثقافي في الخرطوم مساء الجمعة، برنامج الإصلاحات الاقتصادية بأنه (كبريتة ولّعت في الشعب السوداني)، واعتبر أن السياسة الاقتصادية لم تتغير بعد الثورة، وهناك استمرار لسياسات العهد البائد، وحدد مشكلة الاقتصاد السوداني في استمرار السياسات القديمة، ونوه إلى استمرار سيطرة فئات طفيلية على قطاع الذهب، وأكد أهمية جعله ثروة قومية لصالح البلاد، وقال إن الحديث عن (الدولة مُفلّسة) غير صحيح، وشدد على أن مشكلة الاقتصاد في أين تذهب أموال وفوائد الاقتصاد لأنها ذاهبة لصالح مجموعة من الناس، وقال كرار: “الدولة لازم تدعم غصباً عنها، المال دا حق منو؟، حتى يكون هناك تعليم مجّاني وصحة وخدمات للمواطن، لتحقيق أهداف الثورة”، وأضاف “الدعم ليس سباً أو لعنة في حالة إن وجود دعم أصلاً”، ودعا لضرورة قيام ثورة في مجال الاقتصاد، وقال ” لو تمّ رفع الدعم.. ثورتكُم راحت شَمار في مرَقة”، وأوضح أن قوى الحرية والتغيير قدمت نصائح لوزيرة المالية المكلفة د. هبة لفتح صفحة جديدة بالاستفادة من الذهب، وطرحت (11) بديلاً وحلاً لمشكلة الاقتصاد، وأيضاً الحصول على مبلغ ملياري دولار من قِبل المنظومة الدفاعية لدعم الموازنة الحالية، إلا أن الوزيرة رمت النصائح في سلة المُهملات.

يمكن قراءة الخبر من المصدر من هنا

عن مصدر الخبر

صحيفة الصيحة

صحيفة الصيحة

تعليقات

  • ما لم يخضع رفع الدعم للتجربة .. يظل الحديث عنه -موافقة أو اعتراض- مجرد تنظير لا يفيد

  • الشيوعيون ديل قايلين لسه الناس زي أول وهم 30 عام نيام .. ومتخيلين غورباتشوف والاتحاد السوفيتي لسه موجود ياخي الناس مشوا للاقتصاد الحر والعرض والطلب حتى الصين الشيوعية وعت الدرس ومشت نحو الرأسمالية..

  • ههههه
    عو لسه ماراحت شمار فى مرقة يا اخ الرغيفة من جنيه اصبحت عشر وكيلو السكر فاكهة المساكين من 35 الى الناس قالت 150 الناس قالت الرووب والاسر تفككت والاطفال اصبحوا متسولين

  • حكومة جبانة جبن شديد. ياخي انتو جابتكم ثورتنا البسببها انا ضهري لي اسه موسم بسياط الامن بدل تاخد القرارات الصح وترفعو الدعم وتخلو العطالي الفي الخرطوم ديل يطلعو يزرعو ويلا يمشو الدهب تقعدو تدعموهم بقروش المساكين عشان يركبو بيها عربات لزوم الشرشحه ومن كافي لي جنبه

  • اصلو لو ما البلد دي اتهدت في راس الجميع ناس الخرطوم ما بفكو شطر الدعم الفي خشمهم ده.
    كيف ترضو لروحكم وانت راكب لاندكروزر بي 15 مليار انو يدعموك بقروش جايبنها من جمارك وضرائب زراعه واقعه في رؤوس الفقراء ومعطلة البلد من الانتاج
    حسو ياخ

  • الدول المتقدمه لا تدعم اي حاجه ولا تفرض جمارك بل تاخد ضرائب علي حسب الدخل ومن قروش الضرائب تصرف علي الخدمات وتدعم الفئات الضعيفه بينما نحن عندنا الحزومة تفرض جمارك فتجي في راس الفئات الضعيفة وبقروش الجمارك تدعم بيها بنزين وخبز ناس الخرطوم

  • الدعم هو وسيلة اهل الخرطوم الراكبين لاندكروزرات وتوسانات لسرقة اهل مناطق الانتاج بانو كل قروش الحكومة اللي هي ماخوده من الشعب يدعموهم بيها بنزين وخبز وهم يقعدو عطالي

    • احييك والله يا خاليدو وكلامك عين الحقيقة … فكونا من مشكلة الدعم دي وخلو العطالة والسماسرة يدورو أرزاقهم .. كلهم شغالين في سرقة المدعوم وبيعه والارتزاق منه وما يحصله من سرقة لا يستطيع أن يجنيهو في سنة عمل حلال .. لذلك استحلوا الحرام ولن يتنازلو عنو بي أخوي وأخوك وح حاربوا رفع الدعم ده لآخر نفس .. ادعمو الأسر المتعففة بالسلع عبر التعاونيات أو كاش في حساباتهم .. ملينا من خرافة الدعم ورفعه لمن القيامة تقوم فيها..

  • بكون راكب عربية لاندكروزر 8 بستم بنصرف 10 جالون في اليوم وتدعمه الدولة بي 4 الف جنيه يوميا

  • الناس خايفة من رفع الدعم لي شنو؟؟ وفي كل يوم بيتم رفع الدعم بواسطة التجار ..!!
    ما ياها دي الأسعار طايرة السماء ..

  • الثوره يا كرار اصلا راحت سَشمار في مرقه من سرقتوها انتو ناس الأحزاب اليسار والامه
    الثوره اتسرقت زمان … وراحت شمار في مرقه

  • منو القال ليك لو القروش بتروح للتعليم والأبتعاث والصحة والبنية التحتية بدل الخبز والبنزين ما هي هي