السودان الان السودان عاجل

إنشقاق في الحركة الشعبية شمال جناح مالك عقار

الراكوبة نيوز
مصدر الخبر / الراكوبة نيوز

الجريدة: أحمد جبارة
أعلن فصيل من الحركة الشعبية جناح عقار انسلاخه ، مطالباً في ذات الوقت الحكومة بتكوين مسار ومنبر خاص به، ورفضت الحركة المنشقة والتي سمت نفسها الحركة الشعبية شمال/ تحالف قوات التغيير، اتفاق السلام الذي جرى التوقيع عليه في جوبا لجهة أن طريقة السلام التي تمت لم تكن بالطريقة المرجوة والتي يريدها كل الشعب السوداني.

وقال الفريق مالك جمعة قائد الحركة في مؤتمر صحفي أمس اعلن إنسلاخي وقواتي من الحركة الشعبية جناح عقار، ودعا مالك الحكومة الاعتراف بمنبرهم الجديد، مؤكداً إنه لا يتمسك بمكان محدد للتفاوض مع الحكومة وأردف ” يمكن أن نتفاوض الآن في الخرطوم أو في أي مكان تراه الحكومة “.

وأعلن إنه على استعداد لدمج قواته في الجيش السوداني من غير شروط، وحول أسباب انشقاقهم من الحركة الشعبية جناح عقار قال جمعة إنهم قد تم إقصاءهم وتهميشهم من حركة عقار ، وأساءوا لهم وقللوا من حجم قواتهم، وحذر عقار من التعرض لقواته المتمركزة في ربوع النيل الازرق وجنوب كردفان .

وقال جمعة إن حركته المنشقة تحمل مشروعاً اقتصادياً وسياسياً قادراً على خروج البلاد من أزماتها، وقال إنهم يتكونون من كل أطياف الشعب السوداني وأنهم حركة قومية تؤمن بالتعدد والاعراق وأنهم ضد العنصرية والجهوية.

اقرا الخبر ايضا من المصدر الراكوبة نيوز من هنا

عن مصدر الخبر

الراكوبة نيوز

الراكوبة نيوز

تعليقات

  • الحركات دي زي الشاحنة فجاة كدة تنفصل التريلا بالبضاعة المشحونة ويجيبوا راس جديد وانت يفضل معاك الراس القديم والسواق فقط بي منفستو ولاكن من دون بضاعة ههههههه

  • ده شي طبيعي ومتوقع. الناس مفروض ما تلتفت لهم حاليا ويركزوا علي تنمية الاقتصاد ونماء البلد و وبناء دولة المؤسسات والتمسك بالحكم الديقراطي المدني. تقريبا جزء كبير من مشاكل البلد منشأها اقتصادي، اذا تحسن الوضع الاقتصادي يمكن حل كل المشاكل.

  • يادوووب عرفت مالك عنصري زمااااتن شن قلنا لكن كان تنتظر تدخل جوة بعدها اعمل عمليتك دي .من
    من زاوية أخرى اكتشف مالك عقار أن السلام الذي تم ليس بسلام الذي يحقق طموحه قبل أن يحقق طموح الشعب السوداني.
    دا سلام بين ذغاوة ورزيقات انت مشيت وحشرات نفسك فيه.

  • روح بلاش كلام فارغ و الحكومة لن تتفاوض معك و أركب اعلي خيلك ..و الله مهزلة كل يوم ناطي واحد يقول منشق و يريد الاعتراف به من الحكومة.. الكيكة دي خلاص خلصت ..

  • قال عايز مسار لوحده هههههههه الله يلعنك يا التعايشي لأنك مشيت مع العسكر وجبت سلام زي ده واصلا ده ما سلام وقبله حمدوك اللي تخلى عن مسئوليته في ملف السلام وتركه للحاهل القاتل حميدتي والجاهل القاتل الكوز كباشي وصبيهم التعايشي ١٤ عضو مجلس سيادة ههههههه دي حاجة مضحكة

  • والله المفروض يتفاوضوا معاك بطلقة في نص راسك يا وهم .. كل واحد سفيه لما شوية صعاليك وقطاعين طرق وسوا ليهو حركة ..

    • الحركات سجم فى رماد بس ده طرحه ممتاز اولا ادماج قواته فى الجيش من غير شروط وان حركته تشمل كل الطيف السودانى مما يعنى انها قومية اما حركات القبيلة الواحدة فالاحرى ان لايترك لها مجالا فى التفاوض

  • شر البلية ما يضحك
    هي فوضى ؟؟؟؟؟؟؟؟
    حتى نخيلها فى الشمال يا غرقت يا حرقها الكيزان
    نحن نروح القسم بأأأأأأأأأأ
    قصدى نطلع الجبل

  • كلهم الواحد من الغابه وعاوز يرجع يبقى وزير ولا عضو برلمان طيب فائدة الاحزاب السياسيه شنو الله غالب

  • يازول الحلو وعقار دخلو الغابة بدري شديد من زمن نميري !ماعملوهم الكيزان !ديل تجار حرب على حساب أهلهم في المقام الاول والبلد في المقام التاني فما اي شي سييء سببه الكيزان عليهم لعنة الله ياخ نحن بقينا لو الشمس في السما سخنت نقول السبب الكيزان

  • داه امر طبيعى لمجتمع زى المجتمع السودانى مفكك والعنصرية تفتك بالبلد
    40 مليون سودانى يعنى 40 مليون حاكم في البلد
    المشكلة من 1956 لليلية ماعندها علاقه لاكيزان ولاغيرو دى طبيعة مجتمع كامل
    ياكلنا نلعب يانخربها عليكم

  • اها قولوا واحد.قلنا لكم سلام المناصب و المال لا يستمر.نميري عمل سلام و عمر البشيرعمل عشرات ,كلها لم تصمد لانها مبنية على رشوة بالمناصب و المال و لان ناس الحكومة و حمدوك لا يقرأون تاريخ السودان وقعوا في ذات الخطأ

    • حلم الجعان عيش… بشيركم يبكي في السجن والباقي ضائع بين المخابز وطلمبات البنزين.
      راحت عليكم ياكيزان ياوهم وضيعتوها يامرتزقة يالصوص .. مهما تفشل الحكومة وتتغير مافي كوز تاني بشمها