كتابات

زهير السراج يكتب عشان كده !

كتب : زهير السراج
مصدر الخبر / كتب : زهير السراج

زهير السراج
عشان كده !

* اتصل بي صديق من السودان وعاتبني على اني ما برد على رسائل الواتساب وعامل فيها مهم ومشغول وكلام كتير زي ده .. رديت عليو قلت ليو، في البلاد دي (بقصد كندا والغرب عموماً) الواحد لو ما اشتغل ما بياكل عيش وما بتطور، موش زي السودان يكون عمره كله عاطل وماكل أحسن أكل ولابس أحسن لبس، وفي جيبو في موبايل و قروش وعلبة سجاير وينفخ اليوم كلو!

* لمن جيت السودان السنة الفاتت كان عندي شغل في البيت، حاجات بسيطة كده عايزة تصليح أو تغيير .. حنفيات، أقفال دواليب ..إلخ، فضلت أطارد في الصنايعية كم يوم لدرجة اني كنت بمشي ليهم في بيوتهم، ولو لقيت الواحد صاحي وما جات أمه أو اخته وقالت ليك نايم، يقول ليك أمشي أنا بحصلك، ولمن تمشي تقعد تنتظره بالساعات وما يجي ويضيّع زمنك في الفاضي، ولمن تتصل عليو في الموبايل يا ما يرد عليك، او لو رد يقول ليك عندنا بكا أو أي عذر تاني.. والله العظيم ده كان البيحصل.. ولو جبت صنايعي من السوق يا طلع ما بعرف حاجة، أو طمع فيك داير يطلع حق الاسبوع كله منك!

* مرة مشيت سوق أم درمان إشتريت لي صندوق لمبات ومعدات كهربائية بالشي الفلاني، قلت للبائع وهو شاب وكان معاو كم شاب قاعدين في الدكان بتونسوا .. ممكن واحد يودي لي الحاجات دي العربية عشان عندي عملية وممنوع أشيل حاجة تقيلة، قال لي ديل ما شغالين هنا، قلت ليو طيب ممكن تشوف لي واحد من برة وأنا بدفع ليو حق الشيل، قال لي باسلوب غريب أمشي شوفوا براك يا حاج مافي زول فاضي!

* لو عندك مصلحة في جهة حكومية الله يكون في عونك .. فطور بالساعات وجرايد وحافلات تودي وتجيب من البكيات وفلان ما جه الليلة عيان، وفلانة ولدها عنده عملية ومهازل من النوع ده ومعظمه كذب، ونفس الناس ديل هم البقعدوا يشخصوا حالة البلد ويطلعوها ما نافعة !

* الكلام ده مافي هنا .. في الشغل مافي ونسة وموبايلات وفطور وجرايد وفواتح ولت وعجن، الشغل شغل، 8 ساعات يعني 8 ساعات ما ينقصوا دقيقة واحدة، منهم 30 دقيقة للغدا و15 دقيقة بريك قبل نهاية اليوم، في أي مكان عمل مهما كان نوعه، كل ساعة محسوبة بالسيسي، وكل زول أداؤه معروف ومحسوب من أصغر عامل لي أتخن زول، ولو حسبتك طلعت بالخسارة او خالفت قواعد العمل طوالي بتترفد ويجي غيرك، والبرفدك ما المدير ولا الوزير .. البرفدك رئيسك المباشر ومافي زول ولا نقابة ولا اضراب ولا محكمة ولا جن ازرق بيرجعك!

* المرتبات بتتحسب بالساعة موش بالشهر تشتغل ما تشتغل جيت ولا ما جيت بتاخد مرتبك، وعندك 10 يوم في السنة لحالات المرض مدفوعة القيمة وما في يوم واحد زيادة، أي يوم زيادة بيتخصم منك، ولو غبت بدون سبب طوالي تمشي بيتكم وتشوف رزقك في محل تاني، أو تقدم للمعونة الحكومية يدوك حاجة كده ما بتجيب مريسة تام زين ويفضلوا يطاردوك لحدي ما تشتغل، ولو عندك مرض بيتطلب غياب اطول بيعملوا ليك (إستغناء مرضي) وتقدم لصندوق التأمينات يدفع ليك حسب الخصم من مرتبك، ولو الخصم ما بيغطي أو ما بتستحق تأمين وظيفي يا تقدم للمعونة الحكومية أو لـ (صندوق العجز الصحي) إذا كنت عاجزاً عن العمل، يدفع ليك حق الأكل والشراب والعلاج فقط، ما في أكتر من كده، يعني تعيش الكفاف!

* الإجازة السنوية 3 اسابيع فقط، موش 45 يوم، والاجازة الاسبوعية للراحة والتجديد عشان الواحد يستعد للشغل بطاقة كويسة ونفس مفتوحة، موش للحوامة واللف والدوران شغلة بلا مشغلة والواحد يجي الشغل هلكان أو بدون نفس ويغيب علي كيفه!

* الأطفال بيتعلموا من أول يوم في المدارس إنو الشغل قيمة للإنسان (ما مهم نوعه شنو)، وفي برامج كتيرة لتحفيز الأطفال مقابل أشغال خفيفة في المدارس عشان يشجعوهم، ولمن يصلوا عمر 16 سنة لازم يشتغلوا في العطلة المدرسية حتى لو كان اهلهم أغنياء، عشان لمن يكبروا يعتمدوا على نفسهم، ومعظم الاطفال لمن يصلوا سن 18 سنة بيعيلوا أنفسهم، وفى كتيرين (بنات واولاد) بينفصلوا من أسرهم ويعيشوا براهم، موش زي ما انحنا فاهمين أنو أهلهم بطردوهم، ما في أسرة بتطرد أطفالها، ولكن عشان يستقلوا بحياتهم، ويبنوا مستقبلهم بنفسهم، حتى في الموت لازم تعتمد على نفسك وتشترى قبرك قبل ما تموت، موش زي ما عندنا الواحد يكون معتمد على غيره لحدي ما يموت، ولمن يموت يلقى البدفنو!

* البلاد المتقدمة اتبنت بالعمل الشاق، ولو ما غيرنا طريقتنا وسلوكنا ومناهجنا وقوانينا وبطلنا الدلع، حنظل عمرنا كله متخلفين وجيعانين وفقرانين وشحاتين ومتحاربين وواقفين في الصفوف!
الجريدة

عن مصدر الخبر

كتب : زهير السراج

كتب : زهير السراج

أضف تعليقـك

تعليقات

  • وهل ترين في الأمر غرابة ؟ اليس هذه أخلاقكم وفساكم الذي نشأتم عليه “أخوات متأسلمات” ولك أن تسألي عنه المسخ أسحاق لديك في صحيفتكم الصفراء الكاسدة “الإنتباهة” وأنتم جميعكم فاسدون وفاسدات لوثتم أخلاق شعب نبيل عليكم ألف لعنة.

      • ههه يا محمد معروف يا 🦆 🦆 🦆 🦆
        انت بالذات تسكت بس
        جداددد قحاتي بدفعوا ليك كم
        خمسه ايام في صف البنزين يا قحاتي يا فاشل
        صفوف لدربات الملح يا 🦆 🦆 🦆
        انتم أسوأ من الكيزان وأسوأ من الشيطان الرجيم
        أعوذ بالله من القحاته الفشله
        ستصرخوننننن يا قحاته
        ثوره الجياع قادمه يا قحاته
        استعد يا محمد معروف يا 🦆 🦆 🦆 🦆

  • بس الغريب في كندا في وكت كافي لكتابة الكلام الكتييييير الممل . مع انه يمكن توصيل الفكرة بالاختصار المفيد !!!!
    ….
    # تساؤل :
    مادام السودانيين بينتقدو أنفسهم ويذكروا الصفات السالبة في شخصيتهم .. ليه كل واحد ما يقوم بإصلاح شخصيته ويتخلص من الصفات السالبة فيها !!!!!؟

  • مصيبة العالم الثالث مفتكرين انو الناس يجب ان يكون عندها ضمير وتشتغل بي ضمير بينما في الدول المتقدمه عندك ضمير ولا ما عندك حتشتغل شغلك كامل ولو بقيت علي بابا ما بتلقي فرصة تمد يدك علي دولار واحد من المال العام ولو قدرت بتتقبض برضو.وناسناومنتظرين يجوهم ناس عندهم ضمير.
    خت قوانينك وشفافيتك والزم اي زول والضمير ختو في الرف

  • كنس اثار الاستعمار التركي والانجليزي واثار نوفمبر ومايو ويونيو والديمقراطيات الفاشلة والفاشلين والفشله والفاشيون

  • قانون رادع حتي يصحا الضمير من هذه الغيبوبة وقانون رادع لتحمل المسئولية وتطبيق الثلاثية الاعتراف والاعتذار والمحاسبة

  • الأزمة انعدام الضمير والأخلاق والقيم الإنسانية وعدم تحمل المسئولية الأزمة كبيرة مراجعة النظمة التربوية لجميع الشعوب السودانية وأحداث قطيعة مع ماهو معيق للتنمية والتطور

  • السؤال الكبير للدولة والحكومة والاسرة والشارع السوداني ماذا اعددتم من اجيال حتي ينصلح الحال هل كانت تربية سويه وسليمة وعلمية حديثة متطورة تعلمنا العطالة عندما الاب يكون شغال وجميع متبطح يصحي من النوم الساعة 10صباحا ومرات 12 لابد من المراجعة الشاملة

  • ياريت يا استاذ تكون حضرت المؤتمر الصحفي لمدير الصحة بالولاية الشمالية وعن مآسي الولاية في مواجهة الحميات واعداد الموظفين بقطاع الصحة والذين يقبضون مرتباتهم كل شهر وعدد من يعمل فعليا ..كارثة !!! وفي سؤال دايما يقفز على ذهنى ..خاصة والايام د بنسمع عن جرائم سلب ونهب واغتصاب بالتهديد بالسلاح وفي شوارع عامة وتحت نظر وسمع الناس كله ..وما في واحد بيتحرك عشان ينجد الضحية ..طيب الشباب والشيبان والنساء الثوار الفتحوا صدورهم وقابلوا الرصاص ومنهم من مات ..كان الدافع لذلك شنو؟؟ المباديء لا تتجزأ

  • الشعب السوداني محتاج الى قرار شجاع لتغيير نمط حياته وبأسرع ما يكون وإلا سيظل في المربع الأول كما تفضلت .
    أغرب منظر في حياتي شاهدته منظر القاعة يوم المؤتمر الإقتصادي (قاعة الصداقة) .
    (قوارير مياه فارغة ) على الأرض .
    دا بيحصل وين في الدنيا دي غير السودان !

  • بعد جو واشتغلوا بس ان شاء الله الخسائر ما كانت كبيره
    كلام في الصميم
    الله يكون في العون البلد مليانه جهل وفقر وظلم

  • التعليم والعدل والقانون والشفافية وفتح المجال للشباب لقيادة المرحلة مع دعم الخبرات والبحث العلمى فقط تنهض الدوله وينصلح الحال ياخ زهير

  • النظام سياسي او تعليمي او تربوي ف السودان قاءم علي العطاله و عدم العمل.حمتي كان و ما زال شغال شنو غير الارهاب و القتلو عطالة حمدوك شغالين شنو و انتهازية الفور و كل غرب السودان و اغلبهم ما سودانيين بل افارقهشعالين شنو. لا يمكن المقارنة بكندا. فصل غرب السودان هو الحل و تامين الحدود معهم حتي لا ياتوا الينا بارهابهم .و حمتي و مجرميه من القتله يطردوا لدولة غرب السودان

    • دا الكلام الصاح صدقت والله كل بلاوي السودان حصلت من سنة ١٩١٦م عندما ضم المستعمر الانجليزى سلطنة دارفور لنا ومن ديك ماشفنا عافية، والدارفوريين ناس ماعندهم انتماء لارضهم ولا لاهلهم ولا لمناطقهم

  • رائع كالعادة… لقد أعجبتني مقالاتك دوما … فقط عندما كتبت عن سواكن وتركيا عرفت أنك لا تعرف عن تاريخ سواكن شيئا وأنك تنظر نفس النظرة الاستعلائية إلى الشرق… تلك النظرة التي ينظرها من يعتقدون أن البشر في السودان موجودون فقط على ضفتي النيل … وبس