السودان الان حياة

السودان: (بروش) وزير المالية يشعل الأسافير

صحيفة الانتباهة
مصدر الخبر / صحيفة الانتباهة

الخرطوم: الانتباهة أون لاين
ظهرت وزير المالية المكلف هبة محمد علي في صباح يوم انعقاد الجلسة الافتتاحية للمؤتمر الاقتصادي وهي ترتدي جاكت معلق عليه دبوس (بروش)، يستخدم كمكمل جمالي للهندام باهظ الثمن. وقال ناشطون على وسائط التواصل الاجتماعي أن البروش الذي ارتدته الوزيرة يعادل سعره أكثر من200 ألف جنيه. وعلق أحد الناشطين: (الوزيرة تقول أن راتبها الشهري 150 ألف جنيه ولا يكفيها لشهر، وكان عليها توفير قيمة (البروش) لتتمكن من تكملة ما تحتاجه من مصروفات خلال الشهر). وقدر أحد الناشطين أن (بروش) الوزيرة ربما كان أحد منتجات (CHANEL) ذات القيمة المرتفعة والشهرة العالمية الكبيرة.

يمكنك قراءة الخبر ايضا من المصدر من هنا

عن مصدر الخبر

صحيفة الانتباهة

صحيفة الانتباهة

تعليقات

  • الكيزان اللصوص الواحد تلقاه اجهل من الجهل زاتو وشغال في عشرة وظائف والله مسمي الوظيفة ما بعرفو وساكن في قصر وحريمو كل واحدة عنها اسطول سيارات وحاشىة لخدمتها . تفوووه علي الانتباهة . تفوووه علي الكيزان

  • يعني شنو تلبس بروش ولا برش ددي حرية شخصية يعني شنو 200000 جنيه … اي سمسار مريل مرتوا لابس كليو دهب في رقبتها غير يديها .. خلو الانصرافية والاستهبال والحسد ده ..

  • يوجد اتفاق بين الكيزان بدعم جرايدهم الانتباهة والسودانى واخر لحظة لمهاجمة الثورة وفبركة الاخبار وتضخيم الاكاذبب واطلاق الشائعات

  • على رأي المثل الصيني:
    اقول له انظر الى القمر في ليلة البدر وهو ينظر الى اصبعي…

    يا اخي ركزوا على ما تقول الوزيرة وليس ماذا تلبس ؟ لو جاءت لابسة توب الناس حا تعلق ولو جاءت ببنطلون الناس بتعلق ولو جاءت بطرحة او بدون طرحة او بحجاب … الخ

    نبقى نحن زي جحا وولده والحمار ؟؟
    الكيزان ما عندهم موضوع

    • يامنال الوزيرة انيقة ما قلنا حاجة غلط لبسها حلو والقلب يعشق كل جميل واللة جميل يحب الجمال انت ما بسرك يكون عندك وزيرة انيقة بس الطرحة مهمة

    • طيب مالو الدهب زينة المراة ماتلبسوا كان لبستو ما وزيرة متلبس يعنى تلبس من السوق الشعبى ما لازم تلبس من بيوت الازياء العالمية بورتو علينا سوق الطرح

  • شوف تفاهة الموضوع و سماجة المعلقين. البلد علي حافة مجاعة و فقر و مرض و الاعلام تتحدث عن بروش الوزيرة و طبعا هي ممكن تكون في قمة السعادة. اسفوخس عليكم شعب جزم

  • يشهد الله انا دخلت وقايل المقصود من بروش (جمع بِرِش) حق السعف الواحد د، اها دخلت وخاتي في بالي يعني الناس ديل اجتمعوا وقاعدين في بروش يا ربي؟

    • ههههههههههه نفس الحصل معاي بروش السعف
      بزخ عيش مافي اكلو جاتو كيك اسبكتي بيتزا
      وزيرة وزيرة

    • ياعمر برش شنو يا اخى اتطور شوية انت من زمن البرش الفرشات المصرية حلت مكانة كلو بقى مستورد دى حكومة شملت بنت كنيش صدق الامام

  • انصرافية وكلام فاضي ركزوا على كلامها
    على فكرة ده شعار فرساتشي وليس شانيل وغالييييي بس ماعلينا الاناقة والمظهر اللائق مطلوب جدا

    • الاهم من دة كلو التحت البروش مقاسو مناسب لفتت لية النظر اناقتها واسطايل لبسها اوربى محافظ وزيرة حلوة ووجة مشرق لكن تفتكرى لو ختت شوية حنة رسمة كدة فى اليد ما كانت بتدى احساس بالانوثة اكتر مع الطرحة