السودان الان

السودان: تصريحات مهمة لقيادي بقحت بشأن التحويلات المالية وودائع المغتربين

صحيفة الانتباهة
مصدر الخبر / صحيفة الانتباهة

الخرطوم: الانتباهة أون لاين

قال عضو اللجنة الاقتصادية بقوى الحرية والتغيير الاستاذ التجاني حسين ان التحويلات المالية بين السودان والعالم أصبحت (سالكة). وأكد حسين في تصريح صحفي أن المرحلة الحالية لا تحتمل أية تخفيض جديد في سعر صرف الجنيه السوداني ولابد من السعي لزيادة الصادرات وجذب مدخرات المغتربين لتحقيق الوفرة في العملات الصعبة.
وأضاف حسين أن بنك التضامن وقع اتفاقا مع شركة وسترن يونيون الأمريكية لانجاز التحويلات المالية من العالم إلى السودان عبر كل فروع بنك التضامن ليتم تسليمها بنفس العملة التي يتم التحويل بها.. كما أن هنالك قنوات أخرى عديدة منها بنك الخرطوم الذي تم رفع الحظر عنه منذ العهد البائد؛ وفروع بنك النيلين وبنك الخرطوم في أبوظبي؛ وعدد مقدر من البنوك السعودية والخليجية والتركية والأوروبية والآسيوية استأنفت مراسلاتها مع البنوك السودانية. وعليه لابد من أن يسرع بنك السودان المركزي في إصدار منشوره باستقبال ودائع المغتربين وفق مبادرتهم التي كرروا طرحها في الأسبوع الماضي؛ وتحديد الوديعة واجلها ومميزاتها وهي وديعة توضع بالعملات الأجنبية وتسحب حين ينتهي أجلها بنفس العملة التي أودعت بها. وقال التجاني أنه يمكن استغلال تلك الوديعة واستثمارها بما يؤدي لتحقيق هدف تقوية سعر صرف العملة الوطنية.

يمكنك قراءة الخبر ايضا من المصدر من هنا

عن مصدر الخبر

صحيفة الانتباهة

صحيفة الانتباهة

تعليقات

  • تعرفو كيف بنسحب ننتظر شخص يريد الايداع ناخد منو الكاش ونحول ليهو في البنك بتطبيق بنكك

  • انا شخصيا منتظر بنك باركليز او CBS يرجعو عشان اتعامل معاهم —-تجربتى الخاصة مع البنوك السودانية زى الزفت

  • البنوك السودانية غير موثوقه اولا فعلا عملية فتح الحساب عملية معقدة جدا واغرب شئ ان يطلب منك تزكية من شخص لديه حساب معهم ودفتر شيكات وتعاملات موثوقه معهم المسكلة انك وبعد ان تفتح حساب وتودع فيه اموال قبلةان تودعها ودعها لانك لن تستطيع سحبها من البنك فليس لديهم كاش انا فتحتا حساب في البنك الفرنسي ولم نستطع السحب من حسابنا خليناهو وفتحنا حساب في بنك الخرطوم على اعتبار انو افضل ولكننا تجرعنا من نفس الكاس تعرفو كيف بنسحب

  • المغتربين عايزين قدوه ما شاء الله الحكومه ده معظم الوزراء كانوا شغالين خارج السودان و مرتباتم بالدولار دايرنهم يعلنوها للشعب و يحولوها عن طريق البنوك بالجنيه السوداني و لا شنو يا حمدوك امرق الدولارات و الموجوده بره جيبه. كذلك مطلوب ترشيد الإنفاق يعني ما دايرين سفر و مشاركه في مؤتمرات يمثل السودان السفير الموجود في البلد الذي ينعقد فيه المؤتمر دايرين ناس الحكومه يكونوا في الميدان خارج المكاتب مع ضحايا السيول و الفيضانات مع المواطنين في الصفوف الكتيره التي لا تحصى و لا تعد عشان تصدر القرارات من مكان المعاناه مافي داعي للسفر و اجتماعات المكاتب .

  • المشكلة ما في تحويلات المغتربين المشكلة التعقيدات في البنوك
    لو عايز تفتح حساب تكره اليوم الجابك للبنك
    الغريبة فتحنا حساب في بنك الخرطوم بعد جهد لايعلمه الا الله

    بعد 15 يوم طلع كرت البنك واعطونا رقم نلفون قالوا لنا اتصلوا علي هذا الرقم يعطيكم الرقم السري

    من يومها بنتصل علي الرقم 24 ساعة مشغول لنا 15 يوم

    اخيرا صرفنا النظر

    معقول يعطوك كرت البنك بدون رقم سري
    طيب شنو فايدة الكرت
    هذه ليس شكوى لكن بصحح مسار لبنك الخرطوم خاصة

  • أولا اطمئن يا قحاتى المغترب ليست بهذه السهولة يمكن اقناعة
    انا مغترب والحمد لله فى السعودية نزلت 2017 السودان فى عيد رمضان تقدمت لكل البنوك فى منطقتى لافتح رقم حساب واستلم البطاقة كل البنوك رفضت
    فى السعودية فاتح رقم حساب فى بنك الراجحى فى اقل من نصف ساعة كملت احراءاتى والان اتمتع بكل الخدمات البنكية من جوالى فى بيتى
    لذلك لكى تقنع المغترب يجب القيام بالاتى
    1- المغترب دائما يبحث عن بيت يجب اعتماد مناطق سكنية ( درجة اولى ) للمغتربيين فى كل المدن السودانية ولا مانع لدينا أن يكون السعر بالدولار مع التقسيط
    على أن يكون هنالك عقود واااضحة بين الحكومة والمغترب فى حالة فشل المغترب إكمال الأقساط قطعة الأرض
    فهذه الطريقة الوحيدة التى يمكن أن يجلب بها مخدرات المغتربين

  • اعمل شركة مساهمة .. مصنع اسمنت وجبس ومعادن بجانب الذهب او تستاجر المصانع القائمة
    وبيع الأسهم المغتربين
    في سنة بتحرك قطاع المقاولات ودا قادر انه يوظف اكبر كمية من الشباب
    ويمتص التضخم
    يعوض الذين تضررت مسكانهم من
    السيول
    وخلي البنوك تمول بضمان الراتب
    وممكن تصدر الأسمنت والجيس لدول الجوار وتدخل عملة صعبة

  • لو جربنا فيكم مصداقية وكلمةصدق واحدة كنا قلنا نعم ولكن تكرار الكذب وعدم الوفاء بواحدة منهم جديربان لانصدق

  • صادر المخططات السكنية للخمسة الكبار.. وبيع لللمغتربينب بالاقساط .. في شهر بيدخل لك ٥مليار دولار تكفي كل الواردات وتعادل الميزان التجاري .
    المغتربين ثقتهم في الأرض وليس في الوعود

  • ياخوي احسن لينا تجار العمله بنحول ليهم وبوصلو لينا قروشنا لحدي بيت اهلنا نبقا في جنس مافي كاش ومافي شبكة وجيب بطاقه والكلام الفاضي دا

    • اخينا الحبيب ،المطلوب سعر مجزي رسمي قريب من او يساوي سعر السوق الاسود. لحد الان مافي كلام ذي ده وبدون ذلك يصبح الكلام عن تحويلات المغتربين كلام في الهواء. تعب الذهاب الي الصرافات والبنوك،تبقي ضريبة وطن واذا لم ندفعها ما بنمشي لقدام.

    • اتفق معك البنوك في السودان اجراءاتها عقيمة يطلب منك اشياء من اجل تعطيلك فقط هذا غير الشبكة طاشة والموظف يفطر وصور البطاقة وملء فورمة لا داعي له .. قبل أيام ذهبت لبنك الخرطوم وتحديدا ش واحد الحاج يوسف واستملت فورم للتعبية وهو أطول من فورمات القرين مارد وبعدها طاب مني ايجاد شخص يقوم بتزكيتي