السودان الان

السودان: البحث عن رضاء أمريكا يطيح العام الدراسي!!

صحيفة الانتباهة
مصدر الخبر / صحيفة الانتباهة

تحليل: الانتباهة أون لاين
أعلن وزير التربية والتعليم  تأجيل العام الدراسي لعدم جاهزية المدارس بالصورة المطلوبة لأنه سوف يكون هنالك نقص حاد في الكتاب والوجبة والإجلاس وربما مجانية التعليم التي تم الاعلان عنها، كما صرح “القراي” بأن أكبر مشكلة تواجه بداية العام الدراسي هو الكتاب، إذ لم تتم طباعة الكتب الجديدة في نفس الوقت الذي يوجد فيه نقص كبير في الكتب القديمة.
أما وزارة المالية فقد أكدت أنها لم تستطع طباعة سوى كتابين فقط وأنها أيضاً لاتستطيع تطبيق مجانية التعليم لا في هذه السنة ولابعد سنتين من الآن، وجميعها تصريحات لا تبرر سوى فشل الحكومة الشامل في كل شئ، وأي جانب من جوانب حياتنا التي أصبحت رهينة لمعالجاتهم “الشتراء” لمختلف قضايانا.
مع ملاحظة الاعلان باكراً جداً بتغيير المناهج، ومجانية التعليم والوجبة المدرسية، وتغيير السلم التعليمي أيضاً، إلا أن الحكومة كعادتها لم تحرك ساكناً حتى دهمها أمر أوان العام الدراسي لتخرج إلينا بهذه التبريرات التي لا تدل إلا على عجزها وضعف أدائها الذي وصل إلى أهم جانب من حياتنا التعليم والذي يعتبر في نفس الوقت أحد أهم الأدوات لتطوير ونهضة الشعوب والمجتمعات فتخبرنا وزارة المالية عن عجزها بالإيفاء بما أعلنته من تعهدات خاصة بالتعليم عصب العملية التغييرية لكل نهضة والجانب الحيوي شديد الأهمية لذلك.
فشل على المستوى الأعلى بعدم الإيفاء بمرتبات معلمي الجامعات بتعديلها الجديد، بما يهدد بإضرابهم وتوقف التعليم العالي، وأيضاً عدم القدرة على الإيفاء بمتطلبات التعليم العام، بما يعني تعطيل التعليم بالبلاد، وهو أحد الأدوات المهمة بل تكاد تكون الوحيدة في نهضة البلاد وتطورها.
وزارة المالية التي تتقاعس في طباعة الكتاب المدرسي وتوفير وجبة التلميذ ومعدات الإجلاس ومجانية التعليم تسارع إلى جمع الأموال من أجل دفع ما فرضته عليها أمريكا من فدية نظير رفع اسمها من قائمتها للدول الراعية للإرهاب.
رضا أمريكا ومجاراة ابتزازها الفج أهم من مستقبل تلاميذنا وضياع سنين من عمرهم بتأجيل العام الدراسي لمدة عام كامل؟ وتركهم نهباً للفراغ الذي يقود للتسرب ويؤدي الي الافساد.
نرجو أن تعمل وزارة التربية والمالية بل والحكومة على الاهتمام الجاد بمستقبل البلاد وحاضرها، لا أن تؤجل الأمور وقضايانا الملحة وتعمل إلى ترحيلها في انتظار المجهول.

يمكنك قراءة الخبر ايضا من المصدر من هنا

عن مصدر الخبر

صحيفة الانتباهة

صحيفة الانتباهة

تعليقات

  • تقرير انتباهي بامتياز . وادعو كل ثوار وطني إلى مزيد من الوعي والثقة في حكومتهم حكومة الثورة . وتفويت الفرصة غلى المتربصين بثورتكم والمأجورين من الاعلاميين لخلق حالة من السخط والتضجر واليأس والشك والتخوين والوصم بالفشل لتحقيق غايتهم الكبرى والعودة إلى عهود البطش والفساد أو تحقيق أجندات خاصة لبعض الأحزاب الانتهازية الضعيفة التي لا تسطيع الوصول إلى السلطة بالطرق الديمقراطية وهي معروفة للجميع .

  • ايه دخل امريكا فى تعديل مواعيد الدراسة المدرسيه فى السودان؟ يا ناس الموضوع وما فيهو ان الوزير كان نسى وفات عليه ان فتح المدارس فى 27 شهر 9 ( 3 ايّام بعد نهاية امتحان الشهاده فى يوم 24 سبتمبر) عمليا لا ممكن ولا بستقيم عقلا. لآن معظم المعلمين فى كل الولايات .. بل كبارهم ..حيكونوا فى مراكز تصحيح امتحان الشهاده ومدراء المدارس حيكونوا فى الكنترول ولا يمكن يكونو فى موقعين فى وقت واحد..(فى التصحيح وفى مدارسهم).. والتصحيح عادة بيستمر اكثر من 6 اسابيع) لذلك الراجل ووكيلتو”مدرّسة الرياضيات هى رُخرى”) ضربوا اخماسهم فى اسداسهم ووجدوها الآ مفر من تاجيل فتح المدارس الى 22 نوفمبر 2020 (وهى فترة ال 6 اسابيع ذاتها بعد انتهاء التصحيح) ( ما حبّوا يقولو ليكم فات علينا).. احد وكلاء الوزارة السابقين كان اقترح تعديل العام الدراسى ليكون من يناير الى منتصف مايو( بعده تكون اجازة الصيف الىى بعدو الخريف) ثم يكون رجوع فتح المدارس من منتصف اغسطس وتستمر الدراسه الى اول ديسمبر موعد الجلوس لآمتحانات نهاية العام و الشهاده السودانيه.. ونهاية العام الدراس.( وتساءل الرجل عما اذا كانت فى ضروره ولازمة لبدء العام الدراسى فى يوليو فى سنه وينتهى فى مارس او ابريل من السنه اللى بعديها.. وقدامى المحاربين من اهل السودان عموم (بما فيهم شيخ محمود) درسوا على ذلك النهج يا “قرّاى”!

  • منصدم في كيزان الموقع ده زعلانين انو حمدوك حيدفع تعويضات السفارتين وما زعلانين من ناسهم الخططو ودعمو ناس بن لادن لوجستيا لتفجير السفارتين ونقلو المتفجرات من السودان لكينيا وتنزانيا. سبحان الله
    طيب لو حمدوك رفض يدفع ال 330 مليون دي خسائر السودان كل سنه من العقوبات دي اكتر من ال 330 دي بس قيمة مساعدات الدول الفقيرة المفروض تجينا من الاتحاد الاوروبي وامريكا واليابان واستراليا وما بتجي بسبب العقوبات. وكمان خسائر اكتر من مليار بسبب غياب المستثمرين والمنح والقروض والتمويلات من المؤسسات الدولية.
    يعني عايزين حمدوك يركب راس ويقول ما بدفع 330 ونخسر كل عام مليار ونص دولار علي الاقل.
    صحي الكيزان ديل من انفطموا من السلطه دي عقلهم طار

  • تموت الانتباهه غيظا .. تحامل منقطع النظير .. اين المهنية اين الراي والراي الاخر .. عموما انتم تتمتعون بحرية كبيرة .. استفيدوا من هذا البراح لتطوير انفسكم بدلا من البكاء علي الماضي لا الماضي لن يعود ..

  • يسقط حمدوك الفاشل ويسقطوا العطالة المعاهو ويسقط الجداد البطبل صراحة الناس ديل من ماسرقوا الثورة ماشفنا منهم خير احسن يدونا عرض اكتافم غلاء وجوع ومرض وبدون نفاق وكذب وونسة زمن البشير كان افضل منكم والان نعض اصابع الندم عشان قلنا يسقط بس ودا كلام الشارع ماكلام كيزان

  • شخص من أهم شخصيات الانتباهة ومالكها قريب نافع لا هم لة سوى تدمير الفترة الانتقالية وهو كوز كبير ينبغي الجهات العدليةالنظر في امرة وفتح جميع الملفات

  • الان صدقت تماما انو الانتباهة هي جريدة كيزانية خالصه لا هم لها الا الكذب والنفاق من اجل تشويه الثورة ورجوع الكيزان لانو القروش الحتندفع لامريكا جات عن طريق قرض من البنك الافريقي للتنمية والقرض هدفو محدد جدا وهو دفع التعويضات يعني ما البنك اداهم قروش وهم اختاروا انو يدفعوا منها التعويضات بل البنك عرض عليهم هذا القرض لدفع التعويضات يعني لو ما دفعوا بيها التعويضات البنك حيشيل قروشو راجعه

    • دليلك شنو يا خالد انو القروش سألوها من بنك التمبن
      بعدين حمدوك قال نفذنا كل الشروط وما ورانا الشروط شنو اتحداك تقول الشروط شنو
      كلو شغل غتغته ودسدسه
      وانت شغال طلس فينا ماسكننا القروش من بنك التنمية اه فرضنا انها من بنك حمدوك زاتو
      وين إنهاء العقوبات ورفع اسمنا من الإرهاب والا لسه في تعويضات تفجيرات ١١ سبتمبر والعراق وافغانستان
      جداددد قحاتي خالد أبو ٥٠ دولار
      الظاهر اي تعليق بدوك ٥٠ دولار

    • موقع اخبار السودان هذا لا ياتيكم الا باخبار الانتباهه والسوداني والصيحه والنذر اليسير من بقية الصحف،يعني يضع ليكم كل الاخبار المغروضه والمحبطه في سله واحه .لا احباط ولا ياس ولا رجوع للكيزان مطلقا.نتعثر ونخفق وهنالك دائما مجال لاصلاح المسير ما دام هنالك حريه ولن نرضي بالعساكر او الكيزان الا اذا اتوا عبر صنايق انتخابات حره ونزيهه 100%.

      • طبعا الناس عارفا ان دا موقع تابع للامن الشعبي الارهابي وكان ميت ومافي زول شغال بيهو وللان ماعندو تاثير بس بنشوف فيهو طلس وفبركة واكاذيب الكيزان الارهابيين عشان نضحك بس

  • عاااااااجل وهام: قرر كيزان بلاعة الانتباهة برئاسة الكوز كمال عوض الشهير ب كمال طلس ان يكون هنالك يوميا في كل صباح ٣-٤ تقارير مفبركة مكذوبة لمهاجمة حكومة الثورة ونشر الياس والاحباط وخلق البلبلة وسط الشعب السودانى

    • النفبرك شنووو دفع تعويضات تفجيرات السفارات نيروبي ودار السلام ٣٣٠ مليون دولار
      والا النفبرك عدم رفع اسم السودان من القائمة الأمريكية للدول الراعية للإرهاب
      مفبرك انت يا احمد صاحب الألفاظ البذيئة مدعي الثوريه
      ولو كتبت بالف اسم برضو انت احمد السوداني صاحب الألفاظ البذيئة
      طلس ولاجئ لو عاجبك الحال ارجع تعال مقعدك شنو في مصر ما تخاف….. نهار رمضان خلوه تعال

    • حلوة نشر الياس والإحباط دي … انت شكلك من النوع البيقعد في الضل والضهر يرجع البيت … لو كان عندك أسرة وبتصرف عليها كان عرفت انو الياس والاحباط اصبح ملازما للمواطن السوداني… جاتكم داهية تاخدكم زي ما ضيعتو البلد

      • إحباط شنو بالله عليك انتو عايشين وين في السودان ولا مكان تاني العيشة 10 ج درب الملح مليون وحاجة. ولا انتو مصاحكم ماشة. حسبنا الله ونعم الوكيل فيكم جميعا

  • ألله أكبر علي قحت الشيوعية ده كله خوفهم من مظاهرات
    الطلاب والطالبات من الوضع المزري

    • بسبب الكيزان …. والكيزان في السجون وفي تركيا اه أمريكا دي ما تمشي تشيل التعويضات منهم نحن ديل ذنبنا شنووو
      بعدين انت عارف العقوبات دي عشان سنو
      بن لادن شاطر انت يا محمد بن لادن ده الجنده منو في الاستخبارات الأمريكية…. منو الصنع القاعدة لمحاربة الروس في أفغانستان شاطر يا محمد اهو انت بتفهم
      يبقى الأفغان والعراقيين مفترض يرفعوا دعاوى على الأمريكان لقتلنم وتدميره لبلادهم ولقتل ملايين الأبرياء أطفال ونساء وكبار السن
      بس انت بتقدر تقول كده والاحكومتك بتقدر

  • حكومه الاعتزار ويقول ليك فشلنا طيب فشلت قاعد تعمل شنو ما تتخارج بعدين الجماعه ديل لو ما كانوا عواطليه في زول شغال في أمريكا بجي راجع السودان عشان يبقى وزير والا مستشار