السودان الان

«جمارك مطار الخرطوم» تعلن عن سقف العملات الأجنبية و الذهب المسموح بصحبة المسافر

صحيفة السوداني
مصدر الخبر / صحيفة السوداني

الخرطوم: محمد الطاهر

أعلنت سلطات جمارك مطار الخرطوم الدولي، الثلاثاء، للسادة المسافرين عبر مطار الخرطوم عن سقف العملات الأجنبية وزنة الذهب المسموح بها بصحبة المسافر عند “المغادرة”.

وحددت “الجمارك” سقف قيمة العملة الاجنبية عند “المغادرة” أن لا تزيد عن ثلاثة الف دولار او مايعادلها من العملات الاخرى، وأن لايزيد وزن الذهب المستخدم لزينة النساء عن 150 جرام مشغول.

وألزمت “سلطات الجمارك” المسافرين المغادرين والقادمين عبر المطار بالإفصاح عن مابحوزتهم من عملات.

يمكن قراءة الخبر ايضا من المصدر من هنا

عن مصدر الخبر

صحيفة السوداني

صحيفة السوداني

تعليقات

  • برضو من المفترض في حريم شغالات دهب يترددوا على الامارات في الشهر مرتين بكرت زيارة المفروض مرة مشت بزيارة تاني ماتسافر الا بعد سنة ولا 9 شهور

  • دي هبالة بس بالذات للنساء في عدد مغتربات عندهن كيلو وزيادة اها ديل تعملن ليهن شنو ؟؟؟ شوفوا المجرم حميدتي البهرب بالطيارات وبلاش عبط في المساكين بتاعين الكم جرام ديل وبعرقهم وحقهم

    • اخي الكريم المغتربات العندها 2 كيلو وهي داخلة بتسجلو في الافصاح بالفاتورة بتاعتو ولما تجي طالعه بيه مافي حد بقدر يكلمها معمول بالنظام دا في كل دول العالم، في الخليج لو جيت بملابس مكيسة اكثر من 12 قطعة في شنطتك الجمارك بتوقفك وتحقق معاك خلي دهب.

  • ملاحظه
    عصابات التهريب تستغل النساء في تهريب الذهب بكثره السفريات
    من تكثر التردد فهي جزء من العصابه غالبا… فما العلاج لهذه الجزئيه

  • بالنسبة للدولار الكمية معقولة اما بالنسبة للذهب نسوان المغتربين ستة قوايش براها فيها اكتر من ١٥٠ جرام اها العمل معاهم كيف؟ برضوا سجن وممرمطة وارهاب دولة والله شنوا؟

    • لو لابسه اكتر من 150 جرام معناها من الذين يكنزون الذهب والفضة ولا ينفقونها في سبيل الله

      • لم تحدد حسب الشرع الكمية طالما هي للزينة ولكن يمكن ان تخرج منها زكاة الذهب ونساء السودان معرفات رغم عدم التدين الشديد ببذل المال في الصدقة وأعمال الخير والبر وكثير من السودانيين أصبحوا في اعلي المناصب والدرجات العلمية بفضل الام او الاخت يعني في الحارة بيصرفوا ذهبهم وحتي عند زواج احدي البنات.

      • اعتقد التفسيرات المطاطية لأحكام الدين جلعت الكثير من الناس باللجوء للإلحاد بسبب أن أي شخص يمكنه إصدار أحكام شرعية وذلك بحسب فهمه للنصوص

      • إنت يا خالد بتفتي من وين؟؟؟ الجهل مصيبة!!! يا أخي إذا عندك علم أفتي وإلا إنطم أسكت… وأصلاً لو عندك علم ما في أحد إستفتاك عشان تفتي، شنو هو كنز الذهب والفضة؟؟؟ إنت عارف يعني شنووو. ولعلمك الناس البتتكلم عنهم ديل فيهم ناس بنفقو أكثر منك، بنفقو على أسر كثيرة ومحتاجين كثر من أهلهم ومن غير أهلهم.