السودان الان السودان عاجل

البرهان يكرم جنديا بالقوات المسلحة ضرب مثلا في الأمانة بإعادة مبلغ مالي كبير

السودان نيوز
مصدر الخبر / السودان نيوز

كرم القائد العام للقوات المسلحة الفريق اول عبدالفتاح البرهان , العريف الشيخ ادريس محمد حمد التابع لقوات الدفاع الجوي والذي ضرب مثلا في الوفاء باعادته لمبلغ 300 ألف جنيه ثلاثمائة مليون بالقديم تم توريدها في حسابه بالخطأ حيث كان مسرح الأحداث منطقة الدبيبة وتداولتها الأسافير بقلم التاجر صاحب المبلغ وهو نصر الدين حسن مصطفى بالقضارف.
العريف الشيخ ادريس أعاد كامل المبلغ ورفض نسبته القانونية التي تبرع بها صاحب المبلغ له جزاءا لأمانته .
جرى التكريم بمكتب القائد العام وفي حضور السيد رئيس هيئة الأركان وقائد الدفاع الجوي ورئيس هيئة الاستخبارات العسكرية ومدير جهاز المخابرات الوطني ليكون تكريما لكل جنود الوطن في شخص هذا الجندي ذو الرتبه الصغيرة ولكنه رفيع الخلق عالي الهامة والامانه وتكريما كذلك للخلق السوداني الرفيع الذي تزيده الأزمات لمعانا .

عن مصدر الخبر

السودان نيوز

السودان نيوز

تعليقات

  • طيب فهمنا كرمتو العسكري دي حاجه تمام اها الغطه كانت من منو ؟ و لو موظف البنك الغلط عملتوا ليهو شنو؟

  • مالو يا جماعة فى الحالة المهببة دى والاحباط الحايم ده نقرأ لينا خبر كويس حتى لو على الماشى مع ان انا مع الناس القالو الموضوع اخد هيلمانة زيادة

  • اصلا جنودنا كلهم وطنيين مافيهم كلام وناس رجال وده الجيش السودانى البنعرفو .. لكن العلة والمصيبة فى بعض قادة الجيش من الضباط الكبار..

  • لازم تعمل الهياط والهجص السودانى دا
    الجندى دا كان البنك ح يرسل ليهو خطاب رسمي يخبره فيه بان مبلغ كذا ارسل بالخطا لحسابه الرجاء اعادته للبنك. وشكرا
    قعده فيها كل قادة الامن والجيش باليلد عشان وكيل عريف! طيب لتحرير حلايب حتعملوا شنو؟

  • ويعني شنو
    هو القروش جات بالغلط في حسابو والزول المودع تلقائيا كان حيخاطبو للاسترداد أو البنك نفسه كان حيسحبها بعد إثبات التوريد الخطأ.
    يعني العريف ما لقاها واقعه في الواطه
    كتااااار بتحصل معاهم كده في النظام المصرفي وبتتعالج المسألة ببساطة شديدة ياخ تحويل الرصيد بتحصل كده وبترجع المبالغ لأصحابها من سكات
    نحن مالنا بقينا مطرطشين كده وجننا احتفالات وكأنو الامانة والنزاهة رفعت عن هذه البلاد واهلها.