كتابات

هنادي الصديق تكتب : عين قوية

الراكوبة نيوز
مصدر الخبر / الراكوبة نيوز

كلما عقدت لجنة إزالة التمكين مؤتمراً صحفياً وأعلنت عن النهب المصلح الذي مارسه قيادات النظام المباد و(لهطهم) لمقدرات الشعب بهذه الشراهة دون خجل أو تذكر للشعارات الدينية والحوقلة الزائفة التي كانوا يتمشدقون بها (لا لدنيا قد عملنا) تجدني أكثر حيرة ودهشة بأن أغلب (الكيزان) لم يفق من الصدمة ويتعشم في إعادة عقارب الساعة للوراء، لإستعادة حكم 30 عاما، حكم عرف بأنه الاسوأ في تاريخ السودان والمنطقة، حكم أقل ما يوصف به ( سيئ السمعة والسيرة والسريرة).
منزل لشيخهم شيده جهاز الأمن بالعملة الحرة وألاف قطع أراضي نهبوها ونثريات بملايين الدولارات تحت تصرف المخلوع دون رقيب ولا حسيب ومع ذلك لا ندري عن أي ثورة يتحدثون، ويصرون عليها وهم فئة منبوذة تدرك أن الشعب السوداني ركلها الى مزبلة التأريخ.
هؤلاء يتوهمون ويظنون أنهم بذات القوة السابقة، ويرفضون الإعتراف بالهزيمة على جميع المستويات، ويطالبون ذات الشعب الذي ثار عليهم ثورته العارمة قبل عام ولفظ حكمهم وحكامهم وأودع رؤوس الأفاعي منهم في السجون في إنتظار محاكمات قضائية عادلة بعد أن تمت محاكمتهم من الشعب حضورا وغيابا عبر لجان الأحياء وعبر وسائل الإعلام التقليدية والإعلام الحديث، يطالبون ذات الشعب تأييدهم والتصفيق لهم مرة أخرى.
قتلوا المئات من شباب المستقبل في سبيل البقاء والتشبث بحكمهم، وفتكوا بألاف السودانيين في دارفور وجنوب كردفان والنيل الأزرق وفي السدود وشردوا الملايين بسبب سياساتهم الخرقاء البائسة ودمروا الاقتصاد وفصلوا أعز جزء من الوطن ومع ذلك بلاخجل يريدون العودة لكراسي الحكم مرة أخرى دون إستحياء.
يحاولون دس الاحباط بين الناس وإشاعة الفوضى والتخريب ويظنون أن الشعب سينخدع لهم ليذيقوه صنوف العذاب والهوان والتقسيم والعزلة الخارجية ، عن أي اقتصاد يتحدثون وهم اكتنزوا الأراضي وبنوا القصور المنيفة من عرق الغلابى وامتطوا الفارهات ، وحتى عندما تفتح كتبهم وصحائفهم المليئة بالفساد وتنكشف حقيقتهم لا يتوقفون وينزون في ركن قصي بل يحاولون اعادة الكرة مرة أخرى.
من أجمل ثمار هذه الثورة أن كلمة الشعب هي العليا وأعجتني جداً لوحة خطية رسمها ثوار شمبات وكتبوا فيها (موت الضأن ولا الكيزان).
مهما كانت التحديات فالعراقيل أمام حكومة الثورة أنتم من يقذف بها ولكن رهان الثورة على الشعب وبالشعب ستبقى قيمها (حرية ، سلام ، عدالة) ، والطريق امامكم (قفل واحتفل) وحراسه الشباب ، وإذا كان فسادكم شمل الكبار والصغار عليكم بالاختفاء والابتعاد عن المشهد الذي بدأ يتعافى فالسودان استعاد دول العالم أجمع كأصدقاء.
الجريدة

اقرا الخبر ايضا من المصدر الراكوبة نيوز من هنا

عن مصدر الخبر

الراكوبة نيوز

الراكوبة نيوز

تعليقات

  • ما تفرحي بقرارات لجنة التمكين بتاعتكم دى ..دى كلها فرقعات في الهواء عشان الزيكم ديل يفرحوا ويغشوا الباقين ..الى الان ما قرار طلع منهم مشى لقدام ..على عثمان لما طلع من الحكومة ما عنده بيت والقاصي والدانى عارف الكلام ده والبيت البتكلموا عنه ده مبنى في مزرعته..والجميع بما فيهم لجنة التمكين عارفين ده واولهم صلاح مناع ..النقطة الثانية كيف يستردوا من وداد ممتملكات هم لحدى اسه ما قادرين يثبتوا انها بتمتلكها؟؟؟ حسبنا الله ونعم الوكيل

      • والله اشهد لك يا konj konj. انك فعلا كونج كونج من سلالة القرده الغبيه ..(stupidity & absurdity) لعلك تفهم ما اقصد وانا اشك في ذلك لانك لا تستطيع ان تميز اللص من الشريف… لا حول ولا قوة 💪 الا بالله ..!!

    • ,,شكلك كوز ود لزينه مجرم زى شيوخك يانتين لسه موهوم انو اسيادك ح يجو تانى والله لمن تقوم الساعه تانى ماعندكم دور فى البلد دى لانو معروفين بالاجرام والسرقه

  • والله يا هنادي عيب عليك…. مشكلة العلمانيين ديل مفتكرين انه كل البيقولوه ح يصدقه الشعب ذي القطيع بتاعهم… يا رفيقة معقوووووولة بس زول كان نائب الرئيس… ورئيس النفرة الزراعية… والمشرف الأول علي استخراج البترول السوداني.. الكان بمليارات الدولارات وغيره من المشاريع… ما لقيتوا غير بيتوا هو وأسرته عشان تشيلوه منو… والله كان كده ربنا عايز يفضحكم ويظهر كذبكم… وكل يوم يضيق الخناق عليكم… اللهم أذل الشيوعيين والعلمانيين والجمهوريين والملحدين ومن والاهم… اكتر من كده

    • يا رجل إتق الله في نفسك ، إنت نسيت اللقاء الشهير في السودانية 24 مع الطاهر حسن التوم مزرعة حدادي مدادي وتقول بيت أولاده .. فعلا إن لم تستحي فأفعل ما شئت .. يا عيب الشؤم عليك وكمان إسمك خالد علي الحسين .. أنصحك أرجع إقرأ سيرة هؤلاء الثلاثة رضوان الله عليهم وكفى

    • والله ياخالد كلامك صحيح بس منو البقرا وبسمع على عثمان رغم تاريخه الطويل في مجال القانون والسياسة لما ترك حكومة الانقاذ ما كان عندوا بيت البيت النزعوه ده عبارة عن مزرعة بنى فيها بيت وغيروا ما عنده ..اسه خليهم يهبشوا اعضاء لجنة التمكين ديل ويورونا الممتلكات العندهم ومن متين ..لما طلبوا منهم ابراء الذمة ما في واحد عملها غير الفكي بس ..خلوا الباقين يفصحوا عن ممتلكاتهم حتى الدرجة الرابعة من اسرتهم وحتشوف الفضائح

    • لو مستفيد يا خالد علي الحسين من المتاسلمين بنعذرك ونجد ليك العذر انك تدافع عنهم ودعوني اعيش نظريه انتهازيه نجد لك العذر عندما تدافع عن القتله والمفسدين بحجه الدفاع عن الاسلام والدين بس ما تكون ذي المخدوعين خاصه البقتلوا في خلق الله حتي ينعم هؤلاء بالسلطه والمال والنساء وتخسر انت اخرتك ودنياك وتضيع فيها وما اكثر هولاء المغفلين النافعين

      هل قاتل ابناء علي عثمان يوما
      هل قاتل ابناء الترابي يوما
      هل قاتل ابناء نافع يوما
      من قاتل من ابناء الصف الاول والثاني حد العشرون… لن تجد احد فقط المساكين المغفلين