السودان الان السودان عاجل

تجدد إعتداء المليشيات والمزارعين الأثيوبيين على الاراضي السودانية بولاية القضارف

صوت الهامش
مصدر الخبر / صوت الهامش

الخُرطوم _صوت الهامش

كشفت مصادر متعددة ل”صوت الهامش” عن دخول مجموعة من المُزارعين الإثيوبيين مسنودين بمليشيات مُسلحة، لداخل الأراضي السودانية، عند منطقة “بركة نورين” التابعه لولاية القضارف شرقي السودان،“الثلاثاء”.

ويأتي تجدد إعتداء المليشيات والمزارعين الأثيوبيين على الاراضي السودانية بعد أيام من إشتباكات مسلحة بينها والجيش السوداني راح ضحيته ضابط برتبة النقيب.

ووفقاً لمصدر تحدث ل”صوت الهامش” أن مجموعة من المواطنين المقيمين في منطقة “بركة نورين” شاهدو مجموعة من المزارعين الأثيوبيين مسنودين بمليشيات مسلحة دخلو لأحد المشاريع الزراعية التي تقع داخل الأراضي السودانية، مشيراً إلى أنهم أبلغوا القوات المسلحة التي ترابط في تلك المناطق بتجدد دخول الإثيوبيين للأراضي السُودانية.

وكانت الحكومة الإنتقالية في السُودان، إستدعت القائم بالأعمال الأثيوبي في العاصمة الخرطوم، إحتجاجاً على إعتداءات عصابات الشفته الإثيوبية على المزارعين السودانيين،وإتهم الجيش السوداني نظيره الإثيوبي بدعم المليشيات المسلحة.

عن مصدر الخبر

صوت الهامش

صوت الهامش

تعليقات

  • أيها المواطنون تسلحوا وكونوا مليشياتكم واحموا انفيكم لن يحميك احد.. حكوماتنا جبانة جبانة جبانة وامعتصماه

  • مافى كلام.مدعومين من مصر وحتى لو مدعومين من مصر ليه اثيوبيا بتتفرج عليهم .. مفروض اطاردوهم لى داخل اثيوبيا واستولو ليهم على قرية قريتين .

    واذا بوليت بظالم كن ظالما
    واذا بوليت بذوى الجهالة فجهل

  • دي مليشيات مدعومة من مصر
    والجيش الاثيوبي ما بقدر يتدخل لان اثيوبيا اقليات وفيها مشاكل كتيرة
    المطلوب من الجيش السوداني هو الاستئذان من الحكومة الاثيوبية لمطاردة هؤلاء العملاء حتى داخل الاراضي الاثيوبية وابادتهم عن بكرة ابيهم ليتعظوا والجيش يكون قاعد في الحدود

  • عندما يبلغ المواطنين الجيش —
    اثيوبيا شنو تقيف في وجه السودان
    أصبح السفحُ ملعباً للنسورِ فاغضبي يا ذُرا الجبال وثوري

  • المسكنات لا تنفع لمثل هذه الحالة . المفروض حل دائم ومستدام وهو بناء دشم عسكرية وقلاع بداخلها قوة عسكرية وبين هذه الدشم العسكرية والقلاع والأبراج زرع الأرض بالآسلاك الشائكة والألغام مع توفير كل انواع التواصل البرى و المواصلات البرية والسلكية بين هذه الأبراج والقلاع العسكرية وبين رئاسة القوات فى المدينة . كل هذه التجهيزات والأفعال سوف تكون رسالة للأثيوبيين بأن اعيننا ساهرة ومتيقظة لكل من يخترق الحدود وبأن من يفعل ذلك سوف يجد من يتصدى له وبذلك تتوقف الأعتداءآت.بجانب تعزيز قوات القيادة الشرقية بقوات الدعم السريع التى تعرف كيف تتعامل مع مثل هذه الخروقات العدائية .

  • بعد ما احتجت اثيوبيا علي تصريحات الناطق العسكري السوداني بالحرب والاستجابه لها باقالته ممكن تعمل اي شيء
    يدها طويله في الخرطوم

  • والله حاجة مؤسفة
    المواطنين هم اليبلغوا الجيش بدخول المليشيات الاثيوبية !!!!!!!!!!!!!
    اين مخابرات الجيش
    الدبلوماسية ما بتنفع مع الناس ديل
    الجيش يكون في آخر نقطة حدودية
    اي اثيوبي يخش الحدود طوالي يطلقوا عليه النار
    وهذه المجموعة يجب على الجيش السوداني ابادتها وفرض هيبة الجيش السوداني
    دة كله من تفريط الكيزان في ارض الوطن ،، انشغلوا بالسرقة وتركوا البلد لكل من هب ودب
    وحلايب لو الجيش ما عايز يخش فيها بس يوفروا السلاح للمواطنين هم البحرروها ولو مصر قلت ادبها بس صاروخ على السد العالي ويغرق كل المعتدون

  • الحل في راي لا يكمن في الركون للدبلوماسيه والتفاوض بل في تواجد رادع للجيش في تلك المناطق كان يثبت وجود فرقه كامله بشكل دائم ولا ينتظر ترسيم الحدود لفرض سيادته.كيف يعول علي التفاوض والمراوغه الاثيوبيه عمرها اكثر من ستين عام.

  • بيان الجيش على اعتادءات جبل مره اقوى من بيانه على الاعتداء على البلد من دوله اخرى ومن عصابه كمان ,,, مالكم كيف تحكمون ؟.

    • الله يهون طمع السلطا والسيطرة اكتو من الدفاع عن بلد زي الحبش ديل صاروخ واحد يصمطا نهاي

  • مواطنين يبلغوا الجيش !!!!!!!!!!!!!!
    وين الاستخبارات القاعدين يتجدوا في الناس ؟
    ده مش من اولويات شغلهم ؟

    • الاستخبارات مافاضيين قاعد يسرقوا في الدهب من المعدنيين وتهديد الصحفيات في دارفور اهم من الكلام الفارغ الانتم بتقولوا فيه دا. بالله ماتصدعوهم عندهم شغل مهم جدا. لك الرحمة يا ابو عاج من هوان ناس كضباشي المابسكتو علي اي اهانة للجيش.