اخبار الاقتصاد السودان عاجل

وزارة الري تتجه الى رفع رسوم المياه الى ٧٥٠ جنيها للفدان

الجريدة
مصدر الخبر / الجريدة

الخرطوم :حمد الطاهر
دعا وزير الري والموارد المائية البروفسور ياسر عباس الى ضرورة الاهتمام بوزارة الري وقال ” اذا الري وقفت على حيلها السودان كله حيقيف على حيله” واكد الوزير خلال اجتماع اسفيري عقده امس ان الاجتماعات الاسفيرية عبر الفيديو كونفرس ، ستكون اسبوعيا لمتابعة سير اعمال الموسم الصيفي ، ووصف التحديات امام الموسم الجديد بالكبيرة، مبينا ان وزارة الري هي القائد الحقيقي للعملية الانتاجية وان الحكومة الانتقالية تعول عليها كثيرا، وجدد عباس التاكيد على عزم الوزارة زيادة رسوم المياه، الى ٧٥٠ جنيها للفدان مقابل خدمة جيدة للمزارع بتوفير المياه في الوقت والمكان المناسبين ، مشيرا الى ان المزارع عالميا يدفع ما بين ٥ %الى ١٠% من جملة الدخل من المحاصيل المروية كرسوم مياه.
ومن جهته اعلن وكيل الوزارة ضو البيت عبد الرحمن عن تحركات لاكمال اجراءات التعاقد مع الشركات،وقال ان العام المقبل سيشهد وضعا افضل لاجراءات طرح العطاءات وفض المظاريف، وكشف عن نقل آليات من وحدة تنفيذ السدود للاستفادة منها في ادارات الري، ودعا الى ضرورة التنسيق الافقي في استغلال الاليات مشيرا الى وجود آليات غير مستغلة وأخرى تحتاج الى صيانة و اكد الوكيل وجود إجراءات في مواجهة المعتدين على قنطرة ٥٧.

عن مصدر الخبر

الجريدة

الجريدة

تعليقات

  • سكت دهرا ونطق كفرا …الحمد لله انه عرفنا اسم وزير الري ذاتو…750 جنيه لري الفدان الواحد يعنى حواشة 10 فدان تكلف 7500 جنيه في الرية الواحدة وحسب كل محصول وعدد الريات اللازمة له ومدة الرية الواحدة وكمية المياه التى يحتاجها المحصول .. احسب ..ده غير رسوم فتح القنوات وتنظيفها…ده اذا اصلا توفرت المياه في الوقت المناسب وبكمياة كافية للري ..بعدين كم كان سعر الرية للفدان الواحد قبل الزيادة دي ؟؟

  • 4 دولار رسوم ري للفدان هي ارخص رسوم في الدنيا وبدرجة بعيدة جدا كانها مجان.
    اعتقد ان التكاليف هي عشرة اضعاف الرقم ده واذا توفر الري الجيد فعلا فما عندنا مشكله حتي لو الرسوم تكون 2 مليون للفدان لانو بنعوضها اكتر من الانتاج احسن من تكون الرسوم قليله او مجان وانسياب الترع متقطع زي انسيابها في اخر عشره او 15 سنه.
    شايف انو الحكومه دي بالجد صادقه في توجهها للانتاج والايام هي البتثبت بس شايفين باعيننا الجهود وان كانت اغلبها معنوية الان واتمني ان تتحول لارض الواقع.

    • قسما بالله ما عندك علاقه بالزراعه
      انتو ناس التطبيل والطلس جداددد قحاتي بدفعوا ليك ٥٠ دولار عشان تكاككككي
      مزارع ود مزا ع شنو يا جداددددد

  • يا اخوانا دي مصيبة شنو ، انتو بدل تدعموا المزارع او تعفوه او تخفضوا ليهو الضريبة تقوموا تذيدوها ، في الوقت الحالي أنت محتاج للمزارع اكتر من اي حد ، المفترض يكون في تشجيع ودعم وتحفيز للمزارع عشان ينتج اكتر ، طيب انتو زدتو رواتب الموظفين اكتر من ٥ ٪؜ ومن الناحية التانية تذيد ضرائب المزارع ، لييه بتفكروا بالعقلية دي ، طيب كنتو تذيدوا الرواتب ٣٠٠ ٪؜ والباقي ادعموا بيهو القطاعات الانتاجية الزراعية منها والصناعية ، عشان نقدر نذيد من الإنتاج والإنتاجية ، ورواتب الموظفين زيدوها تدريجياً كل سنة لين تصلوا الرقم اللي عايزنو

  • العالم الخارجي العالم الخارجي كان وكان . العالم الخارجي بيقدم خدمه للمواطنين انتو بتقدموا خدمة . يعني من كوز شبع الي طاشي شبكة جعان . لك الله ايها السودان العزيز . انت بدل ما تفرض الرسوم افتح الاسواق الخارجية . عشان المزارع يستفيد وانتوا تستفيدوا . كيف مابعرف انتو مش اكنت برة السودان وشايفين العالم شغال كيف . اعملوا مثلهم . مااي شي تختوه في ظهر المزارع المسكين تمام مثل الكيزان

    • ( انت بدل ما تفرض الرسوم افتح الاسواق الخارجية)
      علاقة وزارة الري بالأسواق الخارجية شنو

      انت بدل ما تفرض الرسوم افتح الاسواق الخارجية
      (دي تكاليف تشغييل )

      • يالقصير النظر
        لما اتكلم عن فتح الاسواق بتكلم عن الحكومة مكونة في اللجنة الاقتصادية وهو عضو فيها وذا انت بتعرف كلما زادت تكلفة التشغيل ارتفعت تكلفة المنتج . كل الدول حتي اوربا وامريكا يدعموا المزارع عيني ولوجستي عشان التكلفة تكون رخيصة والمنتج ينافس . قلل تكلفة التشغيل تنافس داخلي وخارجي وتشجع علي الانتاج عشان مانستورد الخدار من مصر والفواكه من لبنان . اتمني تكون فهمت