السودان الان

اجتماع غداً لإتخاذ قرار بشأن تمديد الحظر

صحيفة الصيحة
مصدر الخبر / صحيفة الصيحة

الخرطوم- الصيحة
أعلن الناطق الرسمي باسم الحكومة، وزير الثقافة والإعلام فيصل محمد صالح، أن اللجنة العليا للطوارئ الصحية ستعقد اجتماعها الدوري غداً السبت وبعد غدٍ الأحد لإتخاذ قرار بشأن تمديد الحظر الصحي.
ونفى صالح طبقاً لموقع (باج نيوز) الجمعة، تجديد حظر التجوال، وأوضح أن اللجنة لم تجتمع اليوم لتقرر تمديد الحظر، وأشار إلى أن وزارة الصحة طالبت بتمديد الحظر مع التشدد فيه تنفيذه، وأوضح أن اللجنة ستستمع إلى كل الوزارات ومن ثم تتخذ القرار.

The post اجتماع غداً لإتخاذ قرار بشأن تمديد الحظر appeared first on الصيحة الآن.

يمكنك ايضا قراءة الخبر في المصدر من صحيفة الصيحة

عن مصدر الخبر

صحيفة الصيحة

صحيفة الصيحة

تعليقات

  • ليس هناك من الحظر إلا اسمه
    أن كان ابغرض منه منع انتشار الفيروس فالناس ممارسة حياتها عادية
    إلا يكون لهم مأرب أخرى والله اعلم

  • عطاله قحت. الناس قرفت منكم ومن عطالتكم ولديها مسوؤليات وأطفال تعولعها. الله اكبر عليكم

    • وزير الصحة لو كرشو مليانة جداد من مال الشعب الغلبان الشعب جعان
      بلا تمديد حظر بلا كلام فارغ
      للصبر حدود

  • تمديدفي تمديدثلاجتكم مليانةالبمنعكم من التمديدشنوان شاالله الشعب كلويموت بالجوع.اصبحناشحادين بعدماكناشغالين بدراعنا.مافي اي حلول مبتكرةامخاخ جافةومدديابتاع التمديد.

  • هو بالله عندكم حظر؟صغار الضباط شغالين ترحيل بارقام خرافية علي لجنة الطواريء حسم هذه الفوضة المضحك من صينية السلاح الطبي الي صينية مسجد الشهيد المشوار ب100ج دي ابشع صور الاستقلال للبسطاء وغير كدا في استهتار بالمرض وعدم مبالاة

    • ضباط شنو
      المواصلات شغاله عندنا عادي بلا ضباط بلا وهم
      والشباب قاعدين لانصاص الليالي مع ستات الشاي والشيشه
      والاسواق والمواصلات
      تحت المجهر خليك تحت طوالي

  • اصلا الناس ماشغالة بالحظر قاعدين يطلعو وينزلو عادي حتى الكباري قاعدين يحنكو العساكر ويمشو وكلهم بقولو اما ماشين مستشفى أو بيت بكاء…الامارات والسعودية ديل طبقوا الحظر تماما وعندهم إمكانيات جبارة وفحص على اهلى مستوى واهتمام حتى بالاجانب اللي جاتهم الكورونا ما زينا نحن ماعندنا ابو النوم الا الكذب واللسان الطويل بس

  • لو الحكومة مدت الحظر ما مشكلة. بس لازم تزيد وقت السماح بالخروج اطول حبتين ، يعني مثلا من 6 ص الي 8م. معظم دول الخليج من غدا سوف يصبح حظر التجوال من 6 ص الي 11 م. وفتحت المولات ودور السينما مع المحازير والاجراءت الاحتزازية الموجب اتباعها.

  • ياخ بلا حظر بلا خرا الدول الحصل فيها حظر حقيقي الناس ماتت فيها موت الضان ونحن اصلا ميتين بي كورونا ولا من غير كورونا عشان كدة احسن نموت واقفين

  • كيف الشعب يطور مناعة ياحبيبنا؟؟؟ المناعة بتجي لما الواحد يصاب بالمرض ويبقى كويس منو وبعد كدة ممكن يكون عندي مناعة…
    لابد من تطبيق وتشديد الحظر بكل الوسائل والواضح انو في تساهل من الجهات الأمنية في تطبيق الحظر والناس ذاتهم للمهتمين لخطورة المرض القاتل دا….شوفو السعودية مثلا اي زول بطلع حتى لو بالرجلين طوالي غرامة عشرة ألف ريال بدون كلام وفورا…لكن فعلا زي من أمن العقاب أساء الأدب…البلد دي مافيها هيبة للشرطة ولا للأمن عموما ولا احترام لأي قانون ولا وعي ولا اي حاجة

    • يافالح يا شرس انت زى السعودية انت ولابتساوى 5%من امكانيات السعودية ديل ناس عنده دعم داخل البيوت عشان كدا الحظر ناجح
      لكن انت 80% من شعبك رزق اليوم باليوم وحكومتك مفلسة وروحها طالعةادعموك من وين

  • هو وينو الحظر والبعيو بقيم في الحفل
    والصلوات في الميادين
    واماكن الشيش شغاله(بالكروب)
    والمعايدات والذيارات
    والحفلات
    ولايفات الفنانين
    وبيوت الاعزا مدوووووره
    وووووو
    المهم اخلو كلام الحظر والناس تتحته حت الصفق وتموت موت الضان والبقي بقي
    😣

  • ارجو ان لا يتم التمديد لان الفيروس لا يمكن السيطره عليه في شعب اجتماعي زي السودان.
    خلي الكرونا تعرك الناس دي شهر كده وبعدها حيكون اغلب المجتمع طور مناعه.
    طبعا بكون في ضحايا في حدود عشرات الالاف بس في شعب زي السودان الملاريا براها بتحصد اضعاف الرقم ده ناهيك عن الامراض المرتبطه بسؤ التغذية ونقص الفايتمينات