السودان الان السودان عاجل

مهاجما قوش ..حميدتي : لن يستطيع كائن من كان زعزعة الفترة الانتقالية

الراكوبة نيوز
مصدر الخبر / الراكوبة نيوز

قال نائب رئيس مجلس السيادة حميدتى فى افطار خاص بقوات الدعم السريع انهم صاحون ضدالمؤامرات وضد جهات لم يسمها تسعى لاجهاض الثورة .
كما شن مجددا هجومه ضد رئيس المخابرات السابق صلاح قوش واتهمه بتنفيذ اجندة خارجية وقال نحن نقولها بالواضح (النظام السابق انتهى ولن يعود ) علينا المضى قدما .
نحن نعمل بروح الفريق الواحد (حكومة ومجلس سيادى وحرية وتغيير) .
كما اكد حميدتي ان الفترة الانتقالية محروسة وان الشعب الان يجنى ثمار ثورته وانهم مع المدنية و ان اليد التى تمتد للثورة سوف يتم قطعها .

اقرا الخبر ايضا من المصدر الراكوبة نيوز من هنا

عن مصدر الخبر

الراكوبة نيوز

الراكوبة نيوز

أضف تعليقـك

تعليقات

  • تحية لوطن الشموخ . وأزجي التهاني لشعبنا الثائر وتقبل الله شهداءنا في عليين . قلب المؤمن دليله . حميدتي ليس بسياسي حتى يكون فيه مكرهم وليس بحضري حتى يكون فيه تلونهم . بل قروي وبدوي ففيهم الصدق والعفوية و العاطفة الجياشة والقلب الطيب أسأل الله أن يصدق حدسي ويخرج الرجل مبرءاً من كل ما ينسب إليه . مع كل اليقين أن قواته فيهم الفاسدالذي لا يراعي حرمة ولا عهداً وفيهم الأمنجي المجرم الذي لا يتورع عن ارتكاب كل جريمة دون وازع ولا ضمير وفيهم كتائب الظل التي تملأ البلد فتنة وصراعات . أتمنى أن يأتي اليوم الذي ينقى الدعم السريع من كل المجرمين ويعود تحت مظلة وكنف واحد هو جيش السودان القوي الوطني المتجرد الشجاع .

  • يا حميدتي
    السياسة متغيرة الساسيين متغيرين
    عدو الامس صديق اليوم
    و صديق الامس عدو اليوم

    البشير قال الزارعنا غير الله يجي يقلعنا..
    و انت الان تقول نفس كلام البشير..
    و الزعزعة دي ما بعيدة
    البلد كلها مزعزعة.. و كلها سلاح من شرقها و غربها و جنوبها و شمالها.. حركات مسلحة.. تزعزع البلد في ساعة..
    كلام النفخة الكضابة حقت عمر البشير اخير تخليها

    خليك واقعي و اقرا الواقع و المستقبل بعيون مفتحة..ما بعيون بشة..
    و ارجو الراجيكم من UN تشليع جد

  • ههههه حميدتي واحد من اتنين يا كذاب ومتواطئ مع الكيزان يا.كمان عايز يحتل السودان بي جنجويد ومرتزقة دول الجوار !
    لانو الكيزان قاعدين وشاغالين والمؤتمر الوطني ينشط في الندوات والاجتماعات والتصريحات بقيادة غندور وانس عمر وكوادره تعبئ لمسيرات الزواحف بل يهددون حكومة الثورة ويقولون ان سيسقطونها وحميدتي قاااااعد بسمع في الكلام دا كلو فهل فعل شئ لا لم يفعل شيئا طيب يا حميدتي الثورة محروسة كيف وبي شنو وبي منو !!!!

  • حميدتي انت وقوش نفس الاجرام والسفالة وكل الشو البتعمل فيهو حاليا للوصول للسللطة بس ولو وصلت ستذيق أهل السودان الأمرين لكن على جثثنا اي ساذج يثب فط الثعبان الارقط حميدتي ما يلوم الا نفسو ما عملتوا في دارفور شبه أفعال التتار فقط تبا لك ولقوش

  • انا كزول من غرب السودان لن اغفر لحميدتى ابدابدا الفظائع العمله فى اهلي يادوبك ضميرك صحي انت اولا لازم تتقدم لمحاكمة عادلة انت واسيادك من الكيزان كنت تنفذ تعليمات جهاز الامن والمخابرت بالحرف يامجرم

  • حميدتى عايز يعمل داعية لنفسو بقه انت ياراجل انت تتحدا صلاح قوش ده هو اللى علمك ورباك وكبرك هو ومحمد عطا صلاح قوش هو اللى عمل الانقلاب على البشير وانت عارف كده كويس لمه انت وباقى اللوءات ايام الثورة كانو يرجفو ماعارفين يعملو شنو تذكر لمه اتصل عليك بشه وقال ليك عايزيين نفض الاعتصام وانت قلت ليه انا جاهز يا سعادتك بس كدي اتفقو انتو لمه سمعت انه قوش ماعايز يفض ولمه اتصل عليك قوش بعد بشه قلت ليه اتصل عليه الريس قال ليك اقفل تلفونك ياكذاب اتحداك تقبض على قوش وتحاكمو لانه بيفضحكم كلكم عاملين فيه ابطال من ورق

    • بالله ..سيبنا برا علم برا ربى .. انقلاب شنو العملو قوش .. قوش كان بيقتل فى الثوار وبيعتقل النساء وبينتهك حرمات البيوت . والله حميدتى انضف وارجل من قوشك ده بالاف السنين .. شكلك قريبو عشان كدى بتدافع عنو بالباطل..

      • Zoal انت اهبل غاشنك ساى كان حميدتى وكان قوش كلهم مجرمين قوش فعلا قتل وقبض وعذب انا معاك لاكن مليشيات الجنجويد والدعم السريع كان مشارك تماما زيهم زي الامن والمخابرات لاكن فى الايام الاخيرة قوش عرف تماما انه الموضوع انته وجمع اللواءت واتفق مع دول تانيه وقلب البشير ولو حميدتى راجل قدم البشير وقوش لمحاكمة ماتقتلوهم فى السجن عشان تسمعو العجب

  • حميدتى كتر خير لغاية هنا استقيل وادمج قوات الدعم السريع لان بصراحة بقت مملكة لاال دقلو اتحدا البراهان زاته مايقدر يدي تعليمات لا اى عسكرى منهم

  • انت ياحميدتى اكبر مهدد فى استقرار السودان ليه ماتم دمج الجنجويد فى الجيش والشرطة كل الحركات المسلحة اللى عملت سلام مع الحكومة تم دمجهم اشمعنا الرزيقات فى راسكم بطحة انتو خمسين الف عسكرى من قبيلة واحدة مسلحة بسببكم الغرب ده كلو ولع واتسلح ارجو من حميدتى انه يدمج الجنجويد ويستقيل هو واهلو

  • حميدتي هو بعبع الكيزان
    فقد سحب منهم البساط حتي عندما كانوا علي سده الحكم ونجحت قواته في تحقيق انتصارات فشلت كتائبهم المؤدلجه و المدججه فيها
    والان هو الصخره التي تتحطم تحتها رماح الكيزان المهترئه وفلولهم التي هزمتها ثوره ديسمبر المجيده

  • البطل حميدتي أصبح بعبع للكيزان وجلادهم وقبضهم مثل الدجاج و رماهم في كوبر…
    ورغم ذلك يتعرصوا له ويمسحوا جزمته
    هي لله…