السودان الان السودان عاجل

وزير الطاقة يكشف سبب ازمة الوقود في البلاد

الراكوبة نيوز
مصدر الخبر / الراكوبة نيوز

كشف وزير الطاقة والتعدين عادل علي ابراهيم عن معلومات جديدة بشان ازمة الوقود، وعزا تمدد الازمة هذه الايام نتيجة للازمة المالية التي وصفها بالسيئة التي تعاني منها البلاد.

وقال عادل لصحيفة آخر لحظة : ان وزارة المالية والبنك المركزي ليس لديهم احتياطات من العملات الاجنبية، واضاف ان الخزينة العامة خاوية من النقد الاجنبي .

ونبه الوزير ان تمدد ازمة الوقود ليس خلل او بطء في الاجراءات التي تقوم بها الوزارة او ضعف كفاءة الوزير كما يعتقد البعض، وانما سببها عدم توفر اموال لاستيراد الوقود في وقت كشف عن وجود بواخر محملة بالوقود في الميناء وقال: “العندو قروش يمشي يفرغها”

اقرا الخبر ايضا من المصدر من هنا عبر صحيفة الراكوبة نيوز

عن مصدر الخبر

الراكوبة نيوز

الراكوبة نيوز

تعليقات

  • البواخر محملة بالوقود في الميناء والدولة لا تملك عملة صعبة…والعندو قروش يمشي يفرغها ؟؟؟؟؟؟……….. ما أشبه الليلة بالبارحة؟؟؟؟ الم يكن الصمت ابلغ من الكلام بدل هذا الكلام الغريب الذي يشبه عنجهينة المؤتمر الوطني البائد … ويا سيادة الوزير فاليسعد النطق ان لم يسعد الحال.

  • دا وزير فاااااااااشل ياخى وين الكفاءات البتقولوا عليها نحن جبناك تزيد إنتاج الحقول بتاعت البترول وتزيد الإنتاج المحلى من الحقول الموجودة وتزيد المخزون باستكشافات لحقول جديدة مش جبناك بتاع مشتريات لمواد بترولية لان ببساطة التدهور الاقتصادى ناتج من استيراد ( القمح، البترول، والدواء) لذلك الحل فى الإكتفاء الذاتى من القمح والبترول والادوية ودورك انت كوزير طاقة زيادة إنتاج الحقول وليست دورك وزير مشتريات المشتقات البترولية

  • بالله داسمو كلام! بينما وزير الطاقه يعلنها كدا بالواضح على رؤوس الاشهاد ان لا الماليه ولا بنك السودان عندهم قروش يستوردو بيها “ابزيم او جُزَلين او وبور جاااز” وقالهالكم “العندو قروش يمشى يدفعا عشان البابور الواقفا فى المينا يتم تفريغا….موش ياها “دوِّر بِى..دوّر بِىّ البِلِدّأ.. نِحرىء القَّزُلين يالوبورجاااز”..دوِّر
    بى حبيبى دوِّربى”…و باليد الاخرى شوفوا وزارة الماليه تشيل من بنك السودان او من اى زول شافت حولو قروش حايمه تستجديه او تستلف منّو.. لِتدّى شركة الفاخر تشترى الدهب عشان تصدرو وتاخد حقها!(بس هل اوفت بوعدها بتخفيض الدولار الى 60 جنيه..تكونش كانت تقصد “ركوعو والرفع منّو”!! بس لو حد يكلمنا هل الست المستشاره اللى قالو جايه من دُبَىٍ شايله نظريات مطبوخه جاهزه.. وصلت البلاد وغرفت لأبن الدفعه منها! فين بالله المدعو الساعورى؟ قآل ايه قآل ” هل فى واحد منكم جا سألنا عن حكاية الفاخر! قبل ما تكتبو عنها”!

  • يعني ما الدوله العميقه ولا يحزنون قروش مافي مفلسين
    ده كلامي للناس القالو الجازولين دفقوهو في البحر والدقيق دفنوه في الصحراء
    جهل عجيب واستخفاف بعقول الناس نفس كلام العهد البائد
    ياخي اخجلوا من الدوله العميقه وكاككك وما عارف شنو
    العايز يعرف الازمه يمشي المستودعات يشوف الصفوف وكورونا
    قالوا الناس ما تصلي في الجامع عشان كورونا
    تعالو المستودعات الشجرة عشان تعرفوا كورونا كويس

  • ماقصرت اديتنا الزيت ولكن …. وقت ماقادر تعمل حاجة كيف تحلل علي نفسك راتبك الشهري مش قلتوا شرفاء

  • الحل في رفع الدعم عن كل السلع المدعومة مع زيادة المرتبات والعمل على ثبات سعر صرف الدولار،
    اقتصاد الندرة اسوا من اقتصاد التضخم

    • ياخي الحل في رفع الدعم عن البترول وايقاف استيراد السيارات ..كرهتونا بالتصريحات الفارغة … ياخي جربوهو لمدة مؤقتة مثلا 3 شهور وشوفو النتيجة شنو ..ماممكن الشحتفة دي كل يوم خبر جديد..

  • كلام واضح و اعتبرها شجاعة من السيد الوزير
    الاعتراف بالمشكلة نصف الحل
    على الاقل هذه المرة لم تكن الاعذار على الشماعات التي امتلأت و اصبحت لا تسع للمزيد

    و هذا ذكرني بالوزير في العهد البائد بتاع (مكانا وين) و كان يقصد ان المشكلة من وزارة المالية و بنك السودان و ايس من الوزارة..
    و إن لم تكن الازمة بهذا المستوى في ذاك العهد سئ السمعة..

    الحكومة دي محتاجة اعادة هيكلة.. و الفي البر عوام.. و سمعت الكثير من مقاطع الفيديو لقوى الحرية.. ايام المظاهرات … يتحدثون عن امكانات السودان و غناه و انو ما متحاج.. ووووو سؤ الادارة
    هذا ما تعاني منه الان.. سؤ ادارة كاسؤا مايكون

    و الان الحكومة تستجدي من جيب الشعب المكلوم الذي اهلكه الغلاء و العدم من غاز و مواصلات و ماكل و علاج!

    و زي ما علق احدهم
    علي بالطلاق الوقفة الوقفتها الكورونا دي مع حمدوك.
    البنك الدولي ما وقفها معاهو

  • It’s clear that this coutry is undergoing a svere finanicial crisis and there no avenues of getting out of it. The exit_strategy adopted by the govt. Is not effective. What is the minister is saying is a potentially dangerous and May leads to the collapze of the govt machinery.

  • يا حيوان داير تبقي لينا زي الكيزان العندو قروش يمشي يفرغها انت مترزع في المقعد ده لي شنو طير بس

  • وزير طاقة يقول العندو قروش يمشي يفرغها !!؟؟وانت قروش البترول السوداني وقروش مرور بترول الجنوب قاعدين تصرفوها علي موظفين الوزارة وشركات البترول .. ولا وزير التجارة يقول ما عارف احتياجات البلد من الدقيق والمشكلة من الولايات وانت وقت ما عارف ما تسكت وتشوف ليك شغلة تانية … حسبنا الله ونعم الوكيل … خلي الكورونا دي تمشي انتم محاجين موكب زي 30 يونيو لتغيير الوزراء وتعيين حكام الولايات والمجلس التشريعي.

  • ايه الهرجلة دي دي حكومة ؟؟؟؟؟؟ يارب لا تسلط علينا بذنوبنا من لا يخافك ولا يرحمنا