كتابات

زهير السراج يكتب : حظر التجواااال يا سعادتك !

الراكوبة نيوز
مصدر الخبر / الراكوبة نيوز

* يقول دكتور مصطفى محمود: ( اذا نزل مؤمن وكافر الى البحر فلن ينجو إلا من تعلم السباحة، الله لا يحابي الجهلاء، فالمسلم الجاهل سيغرق والكافر المتعلم سينجو)!
* ويقول علي الورداني: (عندما ظهرت الكوليرا في عهد الخلفاء العثمانيين منع الحاخامات اتباعهم اليهود من الخروج من منازلهم فنجوا من الوباء، اما المسلمون فقد استفتوا علماءنا فقالوا لهم ( لن يصيبنا إلا ما كتب الله لنا) في فهم خاطئ وغريب لهذه الآية الكريمة، فمات عدد كبير وبادت قرى بأكملها من المسلمين في أرض العراق)!
* كتبنا وفترنا، التلفزيون شغال والراديو شغال، وزير الصحة شغال مؤتمرات صحفية و توعوية، كل دكتور يكتب في اتجاه، لكن الاستهتار لا يزال في محله!
* لا فواتح وقفت، ولا أعراس خفت، يا ربي نحن قاعدين في الكورة الأرضية دي والّا في كوكب تاني، يا أخي مع الحاصل ده ناس كوكب المريخ دخلوا في حظر تجوال ( لو فيهو بشر)، خليك من ناس كوكب السودان ده!
* احظرونا يا جماعة عشان خلق الله يفهموا انو ما عندنا امكانات وما عندنا أجهزة تنفس اصطناعي، ما عندنا سراير مستشفيات، ما عندنا مستشفيات ذاتو، ما عندنا دولارات عشان نختها ليكم لمجابهة كارثة .. يا أخي أماتنا ديل من نحنا صغار بقولن ( ربنا يداري الفقر بالعافية )، فاهمين المثل ده؟!
* نحن يا جماعة شعب فقراااااان، كل أربعة أسابيع بنزينا بيقطع، ودقيقنا بيقطع، ما تخلوا يا اخوانا نفّسنا زاتو يقطع، اكسجين ربنا ده زاتو لو جاتنا الكرونا بيقطع … ايوة بتقطع النفس لو جاك الفيروس ده لأنك ح تحتاج اكسجين بي قروش وجهاز تنفس بي قروش، ده لو لقيت أكسجين وجهاز تنفس!
* العنايات المكثفة المتوفرة في المستشفيات الحكومية ما بتصل مية جهاز، والفي المستوصفات الخاصة تكلفة اليوم الواحد بين خمسة مليون لي تلاتين مليون، واحتمال تقعد في الجهاز ده شهرين لا تموت ولا تبقى نصيح!
* يا اخوانا نحنا شعب الجاهل فينا والمتعلم سلوكهم واحد وتفكيرهم واحد، وما عندنا استباق للمصائب عشان كده لازم الجهة المسؤولة تتعامل بي حزم!
* السادة: رئيس المجلس السيادي، رئيس مجلس الوزراء، وزير الداخلية، وزير الصحة:
* حظر التجوال بيقلل المخاطر وبيحسم المستهترين والمافاهمين … أي زول يتحاوم بدون شغلة ارفعوه في التاتشر وجيبوهوا لينا في الحجر، في الكرنتينا، لا تدقوهوا ولا تسجنوهوا ولا تملوهوا بمبان .. أسبوعين معانا في الحجر لو طلع ما حامل للفيروس اقلاها ح يطلع فاهم شنو وباء صحي!
* حظر التجوال يا سعادتك عشان الناس يفهموا حاجة، افرضوهوا بي ارادتكم قبل ما يفرضوا الفيروس عليكم.. دول كتيرة فرضتوا وهي احسن مننا في كل حاجة .. مدينة البندقية عمرها خمسة الف سنة فيها تلاتة الف وسبعمائة فندق، بدخلها خمسين الف سائح يومي، الآن هي عبارة عن مدينة أشباح .. يا أخي الحرم النبوي في حظر، الجوامع في حظر في السعودية وكل دول الخليج، معظم الدول في حالة حظر تجوال … افهموا يا ناس يا أمة!
* احظر يا سعادتك ما تنتظر كتير، أحظر قبل ما الفاس تقع في الراس، افرضوا حظر التجوال اليوم قبل خراب سوبا، نحنا ما عندنا غير حظر التجوال، انتو عارفين ونحن عارفين والله عارف!
د. احمد الطيب ابراهيم
استشاري جراحة الكلي والمسالك البولية
الجريدة

اقرا الخبر ايضا من المصدر من هنا عبر صحيفة الراكوبة نيوز

عن مصدر الخبر

الراكوبة نيوز

الراكوبة نيوز

أضف تعليقـك

تعليقات

  • هؤلاء (الصحفيين) من يدعي نشر الوعي في الأمة!!!
    فحق لهذه الأمة أن تكون قطيع حمير لا آكثر
    أنظر إلى الغرب الذي يرى هؤلاء المستغربيين يخبر عن حضارة الإسلام في الأوبئة والطواعيين
    فيأتيك مستحمر ليوهمك أن الإسلام متخلف في محاربة الأوبئة

    ‏صحيفة نيوزويك الأمريكية نشرت تقريراً
    ‏ألقت فيه الضوء على تعاليم النبي محمد ﷺ
    الترجمة..
    واسطة Craig Considine في 3/17/20 الساعة 1:06 مساءً بتوقيت شرق الولايات المتحدة
    يجبر جائحة COVID-19 الحكومات ومصادر الأخبار على تقديم أكثر النصائح دقة ومساعدة لسكان العالم ، حيث إن المرض في متناول الجميع بالفعل. هناك طلب مرتفع على المتخصصين في الرعاية الصحية ، وكذلك العلماء الذين يدرسون انتقال الأوبئة وتأثيرها.
    يقول خبراء مثل عالم المناعة الدكتور أنتوني فوسي والمراسل الطبي الدكتور سانجاي غوبتا أن النظافة الصحية الجيدة والحجر الصحي ، أو ممارسة العزل عن الآخرين على أمل منع انتشار الأمراض المعدية ، هي أكثر الأدوات فعالية لاحتواء COVID-19 .
    هل تعرف من الذي اقترح النظافة والحجر الصحي الجيد أثناء الوباء؟

    محمد ، نبي الإسلام ، قبل 1300 عام.
    على الرغم من أنه ليس بأي حال من الأحوال خبيرًا “تقليديًا” في مسائل الأمراض الفتاكة ، إلا أن محمد كان لديه نصيحة جيدة لمنع ومكافحة تطور مثل COVID-19.
    قال محمد: “إذا سمعت عن تفشي الطاعون في الأرض ، فلا تدخله ؛ ولكن إذا تفشى الطاعون في مكان أثناء وجودك فيه ، فلا تترك ذلك المكان”.
    وقال أيضا: “يجب إبعاد المصابين بالأمراض المعدية عن الأصحاء”.
    كما شجع محمد البشر بشدة على الالتزام بممارسات النظافة التي من شأنها أن تبقي الناس في مأمن من العدوى. تأمل في الأحاديث أو أقوال النبي محمد التالية:

    “النظافة جزء من الإيمان.”
    “اغسل يديك بعد الاستيقاظ ؛ لا تعرف أين تحرك يديك أثناء النوم.”
    “إن بركات الطعام تكمن في غسل اليدين قبل وبعد الأكل”.
    وماذا لو مرض شخص ما؟ ما نوع النصيحة التي سيقدمها محمد إلى إخوانه من البشر الذين يعانون من الألم؟
    وقال إنه سيشجع الناس على السعي دائمًا للحصول على العلاج الطبي والأدوية: “الاستفادة من العلاج الطبي ، لأن الله لم يصنع مرضًا دون تعيين علاج له ، باستثناء مرض واحد – الشيخوخة”.
    قراءة المزيد

    ولعل الأهم من ذلك أنه كان يعرف متى يوازن بين الإيمان والعقل. في الأسابيع الأخيرة ، ذهب البعض إلى حد القول بأن الصلاة ستكون أفضل في إبعادك عن الفيروس التاجي بدلاً من الالتزام بالقواعد الأساسية للإبعاد الاجتماعي والحجر الصحي. كيف يرد النبي محمد على فكرة الصلاة كرئيس للطب أو فقط؟
    تأمل القصة التالية ، المتعلقة بنا من قبل الباحث الفارسي في القرن التاسع الترمذي: في أحد الأيام ، لاحظ النبي محمد رجلاً بدويًا يترك جمله بدون ربطه. سأل البدو: “لماذا لا تربط جملك؟” أجاب البدو: “أنا أثق بالله”. ثم قال النبي: “اربطوا جملكم أولاً ، ثم ثقوا بالله”.

  • المشكلة احنا عايشين فعلا في كوكب تاني الناس في حلتنا قاعدين بالهبل قدام ستات الشاي والشوارع مليانة بشر ماشين زرافات من غير كمامات رغم قرارات الحظر وكأنه مافي حاجة، وفي ناس مفتكرين كورونا دي لعبة سياسية وفي ناس ما عارفين غير كورونا العربات، الناس ماشة ما هاميها شئ ودخان الكمائن مدور ومالي الحلة تعطير ماركة سودانية روث غنمنا، افضل استغلال للثروة الحيوانية، المشكلة مكانا وين؟؟ قرارات على الورق من دون تنفيذ او متابعة، هل الشرطة عندها خبر عشان تطبق اي فرارات صادرة من الحيكومة؟؟ هل الناس جاهلة الى هذا الحد؟؟ هل النفس البشرية السودانية ما عندها قيمة؟؟ هل الناس دي زاهدة في الحياة حتى لو بكورونا؟؟ المشكلة مكانا وين؟؟؟؟ المشكلة مكانننا وييين؟؟؟؟؟؟

  • يا دكتور
    الكلام دا مفروض الحكومة تكون حريصة على سلامة مواطنيها
    اذا فرضت عدم التجوال وقفل الاسواق ، ما عدا اماكن الدواء والاشياء الضرورية فقط
    وكانت حازمة كما فعلت بعض الدول العربية ذلك وعملت كمان غرامات مالية على المخالفين اتباع انظمة الصحة لمكافحة هذه الجائحة وربنا يكفينا وجميع خلق الله شرها
    وكما قلت ربنا يداري الفقر بالعافية . فعلاً نحن شعب طفران وراكب راس في الفاضي وما عارف العدو من الصديق . وجزاك الله خيرا ..
    ربنا يستر ويكشف البلاء. آمين

      • صديق البحري
        مالو دكتور الحمير عيبو لي
        الدكتور البيطري يا صديق البحري وده ما اسمك اكيد لأنك لو اسمك صديق ما بتكتب تعليق غير محترم زي ده
        امشي افتح النت عشان تستفيد وشوف علم البيطره استفيد من وقتك أفضل ليك
        وخليك زول متعلم وواعي وفاهم

  • احظروا واعلنونها اليوم شارع النيل الميادين والله الناس في شارع النيل محتفلين اغاني ورقيص ودلوكه
    طيب لو اصلا كده ماجزين للمدارس لشنو كده كده بالحلصل ده والفوضى دي كورونا حتقرضنا كلنا
    استعجل ا في تقفيل الأسواق وشارع النيل
    الشيشه مدوره والله وونسات وحفلات وستات الشاي والأمور أفراح في أفراح
    اسمعوا كلامنا والله يستر والله ايطالياراستهترت بسبب امرأه واحده كانت بتمشي الكنيسة اليوم بيموتوا ٧٠٠ في اليوم
    دي إيطاليا اما نحن والله نموت ونعفنرفي الشوارع بالهباله والاستهتار العليا ده
    يا حكومه الثوره والحريه اعلنيزحظر تجوال وقفلي شارع النيل والميادين والأسواق كورونا ده ما لعب كورونا ده لو جاءنا الله معانا
    مقابر زاتا ما حنلقي الموضوع خطير ومنظمة الصحة حزرتكم وانتو نائمين وعاملين طناش وكل يوم نسمع بناس كانوا في الحظر هربوا
    تهرب تمشي وين حتجيب المرض لأمك وابوك واخوانك وناس الحلة يا جاهل
    المشكله كبيرهههه. نتمنى أن تتدارك الحكومه الموقف بأسرع ما يمكن والله المستعان
    اعقلها وتوكل
    أهم حاجه اعقلها وبعد داك تتوكل
    ما تتوكل من غير تعقلها سلام اللهم قد بلغت اللهم فاشهد
    وصلى الله على سيدنا محمد وعلى آله وصحبه أجمعين