السودان الان

مديرة مكتب وزير الصناعة تثير الغضب بوزارة المالية

النيلين
مصدر الخبر / النيلين

 

اثارت مديرة مكتب وزير الصناعة والتجارة، منى قرشي، غضب كبار موظفي وزارة المالية، وطالبوا مجلس الوزراء بالتدخل لحمايتهم مما سمّوه بتطاول بعض مدراء مكاتب الوزراء على قيادات الخدمة المدنية، ومخاطبتهم بعبارات وأساليب مُهينة.

وطلبت مديرة مكتب وزير الصناعة والتجارة، أثناء زيارتها لمكتب وكيل وزير المالية تقريراً مفصلاً وعاجلاً عن موقف دقيق الخبز، إذ رد عليها الموظف المعني أنهم لا يسلمون تقارير الموقف لمدراء مكاتب الوزراء، وهو ماعدّته مديرة مكتب مدني عباس مدني تباطؤ مقصود من الموظفين بوزارة المالية، وقالت إنهم “دولة عميقة”، الأمر الذي دفعهم لمطالبتها بمغادرة مبنى الوزارة على الفور.

صحيفة مصادر

شارك الموضوع :

يمكنك ايضا قراءة الخبر في المصدر من موقع النيلين

عن مصدر الخبر

النيلين

النيلين

أضف تعليقـك

تعليقات

  • من يطلب من منى المغادرة فليغادر هو … هذه الكنداكة من منطلق حرصها على خبز المواطن وثوريتها جاءت عباراتها … فهذه ليس مجرد مديرة مكتب كما يحسبها البعض … هي بهذا الموقف فوق كل وكيل او وزير وبامر الشعب … اصحي يا منى … خلي بالك من وطنك … إنتي ما في وزارة إنتي في كومة زبالة من مخلفات العهد البائد

  • دي الخدمة المدنية الجديدة .. مديرة مكتب تطلب من وكيل وزارة المالية تقرير مفصل .. والله من قمنا ما عرفنا اصلا اسم مدير مكتب لاي وزير من وزراء حكومات منذ الاستقلال وما سمعناهم بحشروا انفسهم في العمل التنفيذي للوكلاء ومديري الادارات …اذا ما في احترام للتسلسل الوظيفي بالخدمة المدنية فعليها السلام ..اذا كان دي بتعمل كده في المسئولين بوزارة غير وزارتها ..طيب بتتعامل كيف مع المسئولين الكبار في وزارة الصناعة ؟؟ ما عشان طلعت في فيديو وقالت ليها كلمتين اصلا ما من حقها تقولهم ..خلاص بقت عند الناس ام العرييف ..مع العلم انه الكلام القالته لا قدم ولا اخر في ازمة الخبز.. في مسئولة في وزارة كبيرة تقول حندى بتاعيين المقاومة بطاقات تعريفية عشان يراقبوا ليهم المخابز وتوزيع الدقيق ..باى صفة وهم اصلا ليسوا موظفين حكوميين ..الناس ديل عازين الشعب يمسك في خناق بعض عشان هم يسلموا من المسئولية

  • دي النوع الموهوم
    مجرد حتة سكرتيرة عامله روحها حكومه
    نفس وهم الكيزان مدير مكتب الوزير يركب مكنة وزير وهو ماناقش طظ من سبحان الله
    قومي لفي يا خريه.

  • هل يُعقل أن تكون التقارير تسلم باليد والعالم فى ثورة إتصالات ؟؟؟
    لماذا لا تكون هناك مكاتبات نت ويرك ؟؟؟ إيميل / ميموز / وليست بالواتس والسؤال لناس المالية لماذا البروقراطية فى التعامل الرسمى حتى ؟؟؟
    بالإمكان تسليم أي مدير مكتب أي وزير التقرير الذى يهمه ويساعده فى أداء عمله أما المماطلة بذريعة البروتوكولات القديمة فهذا أمر مرفوض ويجب أن يذهب إلى بيته كلٌ من يتلكأ

    • اخي اذا عملت في مكتب ما فسوف تعرف،لمن تقدم التقارير وكيف تقدم
      في هذا الزمن مثل هذه التقارير تقدم بطريقة سرية مشفره عبر البريد الالكتروني للوزيز
      حيث ان حسب النظام مديد مكتب ليس من صلاحياته مخاطبة وكيل وزاره وهي العارفة مفروض تعرف هذا اذا عملت في الخدمة المدنيه ولكن لابد ان تاخذ درس مجاني طالما هي في بدية الخدمة المدنيه

  • قسما بالله انتي الدوله العميقه ووزير الفاشل أكبر ماسوره
    انتو الفشل زاتو دقيق شنو البتجي تسالي منو
    امشوا شوفوا السوق مولع نار الناس أصبحت تغلى كامرجل الثوره القادمه ثوره جياع
    بس انتو اول من يهرب بجوازاتكم الاجنبيه
    وتخلوا الشعب يموت جوعا وفقرا وحربا

  • والله ياناس مني قرشي من افضل مدراء مكاتب الوزراء لكن لازم تحارب ولازم الكيزان والناس الوسخانيين يشوهوا صورتا ولاز يحاربوها لو ما عملوا كده مابيكونوا وسخانيين بالجد

    • بالله في الدنيا دي كلها شفت ليك تقارير مهما كات تسلم باليد وين الايميلات بعدين دا شغل حكومي يعني هنالك نظام داخلي معروف ومتبع دي جاية عاوزة تشيلو بيدها كانه هدية مرسلها لها احد الاقارب اتعلموا الشغل وسيبكم من البروبغاندا حقتك وحق وزيرك الفاشل دا

  • الدوله العميقه حتكون شماعه للفشل الحكومي بعدين اي زول دوله عميقه جيبو في ميدان عام اضربو طلقه في راسو متقعدو تكذبو ع الناس دوله عميقه اتو الدوله العميقه معاكم في مجلس السياده ومسيطره عليكم ي نجسه

  • كل الدلائل تشير أن كل الوزارات دولة أعمق من عميقة وكلهم كيزان مجرمين وهذا يبرهن أن كل وزراء حكومة حمدوك عبارة عن مواسير وفي النهاية سيسعون جاهدين لإفشال الحكومة الضعيفة وهي أصلاً فاشلة بكل المقاييس يجب تصحيح مسار الثورة فوراً وتعيين وزراء جدد من الميدان الحر الذي يمثل الشعب!!

  • اها هسي زي ديل يقولوا عليهم شنو المابتعاونو في الشغل ديل هي مديره خلاص المفروض مخول ليها وفي النهاية تقرير يعني بيها وبلاها بطلع بطلع انا شايف بالجد تصرفهم ماكويس والله اشك فعلا ان وزارة الماليه هي بؤرة الفساد

    • ترفع رأسك انت لأنك مغترب وما شايف معاناه الناس الواحد يقيف ٣ ساعات للعيش وساعات للبنزين وانتو قاعدين تنظروا لينا من بره السودان
      حكومه كفوات وفاشلين زي القبلهم كلهم فشله
      والخاسر هو الشعب المقهور في الصفوف وفي الأسواق
      وانتو يا حكومه الأحزاب فشلتووووووووووو

      • استاذة من فعلا زولة شغل وراكزة ولازم الكيزان يعارضوها بشتي السبل
        المفروض هي زولة بتادي في شغل مهم والتقرير دا ما ماشة توديه لاستخبارات دولة اجنبية عشان يتقال ليها ما بسلموا لمدراء مكاتب هو الكوز بيتعرف كيف ما من التصرفات دي والردود التفقع المرارة..المفروض الناس تتعاون وتمشي الشغل وتبطل الكلام الما بودي ولايجيب ..هسة الزول دا لو سالوه استفاد شنو من ردوا البايخ دا..غير انو ارضي غرورو الكيزاني المريض…الله يصلح حال البلد…

      • استاذة مني فعلا زولة شغل وراكزة ولازم الكيزان يعارضوها بشتي السبل
        المفروض هي زولة بتادي في شغل مهم والتقرير دا ما ماشة توديه لاستخبارات دولة اجنبية عشان يتقال ليها ما بسلموا لمدراء مكاتب هو الكوز بيتعرف كيف ما من التصرفات دي والردود التفقع المرارة..المفروض الناس تتعاون وتمشي الشغل وتبطل الكلام الما بودي ولايجيب ..هسة الزول دا لو سالوه استفاد شنو من ردوا البايخ دا..غير انو ارضي غرورو الكيزاني المريض…الله يصلح حال البلد…