السودان الان

وزير الداخلية: ملف تجاوزات الجنسية والجواز يدار على “نار هادئة”

صحيفة السوداني
مصدر الخبر / صحيفة السوداني

الخرطوم: إيمان كمال الدين

تعهد وزير الداخلية الفريق شرطة “حقوقي” الطريفي إدريس دفع الله بحسم أي تجاوزات في ملف الجنسية والجواز السوداني بقوة القانون، وقال إن هذا الملف يدار على نار هادئة وبشفافية كبيرة بغرض الوصول فيه للأهداف بأسرع ما يكون.
وأكد الطريفي في تصريح لـ(السوداني) أن ملف الجنسية والجواز والتجاوزات التي تمت فيه من موروثات الوضع الهجري بالبلاد، مشيراً إلى أنه تم تشكيل لجنة مختصة قامت برصد وحصر كل الجنسيات السودانية التي منحت خلال فترة الـ30 عاما السابقة، وقال إن اللجنة خلصت لتوصيات محددة سترى النور وفق الرؤى القانونية والمهنية، وأشار إلى أنه تم رفع مقترح للجهات المختصة لتكوين المجلس الأعلى لتنظيم شؤون الهجرة ويضم الوزارات ذات الارتباط بالملف الهجري لتنظيم سياسات الهجرة والإقامة بالسودان.

يمكنك ايضا قراءة الخبر في المصدر من موقع صحيفة السوداني

عن مصدر الخبر

صحيفة السوداني

صحيفة السوداني

أضف تعليقـك

تعليقات

  • والله انت ما حتكون نافع ولم تنجز أهداف الثورة ما دام جيتنا بترشيح من المجلس الكيزاني ، الأمور واضحة كالشمس مئات الآلاف من السوريين وغيرهم من الجنسيات الأخرى تم بيع لمهم جنسيات وجوازات سفر بواسطة أخ الشاويش المخلوع وبعد ده كلو تقول نار هادية ؟؟؟!!!!!!!!!!!!!!!!!!

    • Flowers والانجز أهداف الثورة منو ما ياهو شايفين كل يوم أسوأ من القبله بقينا نخاف ننوم
      أزمات في كل شي خاصه أزمات الأخلاق
      لانو الأزمات التانيه مقدور عليها
      بس ازمه الأخلاق والضمير دي ما مقدور عليها الا بالقانون الرادع وزول في الحكومه دي عايز يشتغل بالقوانين الرادعه مافي
      عشان كده حتستمر الأزمات والكوارث
      اجانب كل يوم يرتكبوا في الجرائم وكمان جابت ليها أحزمة ناسفة
      ودي ما المره الأولى وزيرنا بتكلم عن نار هادئه
      دي ما حكومه ثوره والله والله

  • نار هادئة تحرقكم
    نار هادئة شنو
    ناس ماخدين جوازات من غير وجه حق
    تسجبوها طوالي
    جوكم الارهابيين الماخدين جنسيات سودانية
    الحبش والارتريين لافين بالجوازات السودانية وعاملين فيها سودانيين
    ويسيئوا للسودان والسودانيين

  • يا زول هاديه بتاعت الساعه كم عاوزين شغل بركاني اولا حصر جميع الاجانب ثانيا بدل الفارغه حقت المانيا تدعم السودان بي طائرات حربيه و اسلحه و كلام فارغ زي دا جيبو اجهزة و معدات مراقبة الحدود و يجب تفعيل نظام البصمه و الاقامه بنفس طريقة السعوديه و الدول الاخرى و عمل حملات تفتيشيه في الطرق و الشوارع لابراز الاقامه و سن قانون يلزم اي اجنبي بحمل اقامته معه و تغريمه او ترحيله في حال خالف الامر و المواطنين بحمل بطاقات الهويه الوطنيه

    • ود بلدي تسلم ده الكلام الصاح بس تقول شنو
      حكومه قاعدة في البارده…. لو وزير الهناء ده يقول ليك نار هادئة بالله ديل جابتهم ثورة كلهم بلا استثناء
      واحد يقول فشلت وقاعد اليوم دقيق مافي في مدني والمناقل
      وحصة الخرطوم نقصت ٣٠٪
      دي ما حكومه ثوره ده حكومه نار هادئة

  • نار هادئة لشنو
    نحن عايزين نار جهنم عديل للموضوع ده انت ما شايف الجرائم البرتكبوها يوميا الأجانب وخطورة الموضوع
    والدولار الكل يوم طالع بسبب الأجانب والأشغال الهامشيه بيع شاي وطعميه وسواقين ركشات
    اصحى معانا يا بتاع النار الهادئة…. سخنها النار دي قبل ما تولع فينا
    وخليه الحاج يوسف أقرب دليل

    هادئه شنو يا وزيرنا