السودان الان

الصيحة: الحرية والتغيير: اتّفاق لزيادة الدولار”الجمركي” إلى”55″ جنيهًا

باج نيوز
مصدر الخبر / باج نيوز

الخرطوم: باج نيوز

قالت صحيفة الصيحة الصادرة اليوم”الأثنين” إنّ تيارًا بـ”قوى الحرية والتغيير”، يعتزم رفع توصية إلى مجلس الوزراء لإعفاء وزير المالية.

وكشف عضو لجنة الخبراء الاقتصاديين بـ”الحرية والتغيير” عادل خلف الله، عن تعديلات على سعر الصرف والدولار الجمركي تطبّق في مارس المقبل مع عقد المؤتمر الاقتصادي في ذات التوقيت المعلن.

وقطع بأنّ إجراء أيّ تعديل وزاري”سلطة بيد رئيس الوزراء”.

وكشف خلف الله في تصريحاتٍ لصحيفة الصيحة اليوم عن اتفاقهم مع مجلس الوزراء على تعديل السعر الرسمي للجنيه مقابل الدولار من”45″ إلى”60″ جنيهًا، وتحريك الدولار الجمركي من”18″ إلى”55″ جنيهًا اعتبارًا من مارس المقبل.

وإصدار قرارات لإصلاح الاقتصاد، تشمل منع المضاربة بالدولار، وتغيير عدد من السياسات إضافة لتدابير إصلاحية تطرح في المؤتمر الاقتصادي مارس المقبل.

اقرا الخبر ايضا من المصدر من هنا عبر موقع باج نيوز

عن مصدر الخبر

باج نيوز

باج نيوز

أضف تعليقـك

تعليقات

  • دولار جمركي بي 55 دي ماحلول دي كارثه انتو عشان تنعشو خزينتكم تعملو 55 طيب الدولار الجمركي دا لي منو مش المواطن البسيط البستورد ويبيع لما تعلمو بي 55 الاسعار في السوق تكون كيف خلونا من دا كلو سعر العربات يبقي كم انتوا غلف ولا كيف دا فشل اخير منكم الكيزان ياخره اصحوا يا امه دا شنوو

  • حكومة الكيزان ديل ما اسقطها الا الركابي رفع الدولار من 6 لي 18 .. وتاني عينهم ما شافت إلا النور .. لحقو أمات طه وعلي عثمان .. دايرين تلحقوهم ارفعوا..

  • انتو الحل قدام عينكم, ولا خايفين منه. مصادرة ذهب جبل عامر من الدعم السريع و أيضا مصادرة كل شركات الذهب بتاعت الكيزان و إنشاء شركة تعدين حكومية تتبع لوزارة المالية و إعطائها حق إستخراج الذهب و تصديره في كل السودان كشركة سودابت للبترول. ما عندكم حل غير الذهب فى الوقت الحالى لإخراج البلد من الأزمة الاقتصادية الحالية.

  • الدولار على أعتاب المائة وهو في ذلك يزكرني فيضان النيل لمان يصل الجسر ويهدد كل من يسكن على ضفتيه بالغرق والودار أسى ياها البقت علينا مع الدور وصل الجسر

  • مع القرار ده الرجاء كتابة الملحوظ الآتية… المجاعة علي الأبواب وعلي المواطنين أخذ الحيطة والحذر… لا علاج للوضع إلا باقتلاع هؤلاء الفشلة…. الزحف الأخضر القادم بإذن الله… الهم أذل الشيوعيين والعلمانيين والجمهوريين والملحدين ومن والاهم

  • والله تعملوا .كدا ..
    طيارتكم تقوم {{عمودي }}من كراسيكم..والي السماء .عديل .
    ….انتم ما عندكم رأس .
    18 الي 55
    يعني سعر أي شي في السوق
    يضاعف 3 مرات ..
    ….بصراحة انتم ما جاهزين للحكومة دي.

  • الفاتحة على روح قحت قتلت نفسها بنفسها (الانتحار الاختيارى)

    يقام المأتم بالمقابر الجنوبية ولا نقبل التعزية

  • انتو مجانين يا ناس قحت ده فهمك للاقتصاد السوداني؟ الظاهر انتو بتأزموا في الوضع الاقتصادي في البلد ، معقولة زيادة سعر الدولار الجمركي من 18 الي 55 ج ، ياخ انتو ما فيكم زول عاقل وبفهم اقتصاد ، الدولار الجمركي دا المضيق عيشة المواطن من المفترض يتخفض ل 5 ج مش يذيد ، بالطريقة دي انتو ماشين بنفس طريق الكيزان بالاعتماد علي الضرائب والجبايات لدعم خزينة الدولة بدلاً من الانتاج والانتاجية وتخفيض الاستيراد و زيادة التصدير لتوفير العملات الصعبه ، يا اخوانا افهموا الجمارك في اي دولة في العالم هي جهة رقابية في المقام الاول ما مشروع استثماري عشان تجني منه عوائد وتعتمد عليه في الميزانية ، بالطريقة دي ح تسقطوا زي ما سقطوا الكيزان، بالله عليكم اشتغلوا صاح عشان يقيف معاكم وتنهض الدولة وتطلع من البلاوي دي

  • لنجنة الحرية والتغير الاقتصادية متكوزنة ومعادية للثورة وعاوزه ليها ثوره لوحدها … دولار جمركي ب ٥٥ ولماذا ثرنا ضد الكيزان ؟

  • مستعجلين مالكم انتظروا المؤتمر الاقتصادي شهر مارس
    وشوفوا مقررات شنو…. شغل الهم والشغل الغير مدروس بسقط ححركم وحجرنا الأصلو ساقط

    • يمشو يشحدوا ذى ما قال لى واحد امبارح فى المواصلات. هى المشكلة مش رفع دولار جمركى فقط وانما رفع الدعم عن الخبز والوقود. هم طبعا ارتكبوا خطأ كبير كانوا يدفعوا الشعب للخروجضد الكيزان بسبب الغلاء والان هم فى الحكم فوقعوا فى ورطة وطالبوا بالحريات عندما كانوا معارضة والان هم فى طريق تقييد الحريات وتكلموا عن رفض سياسة المحاور وقبل يومين قرقاش كان فى الخرطوم وسحب الجيش من اليمن والجيش باقى والمحاصصات الحزبية والان تمارس والولار ارتفع وتجاوز ال45 والان تجاوز ال90.شوف الحل فى جلوس كل الاطراف السياسية والدعوة الى مصالحة وطنية والعمل للسودان دون ارتباطات خارجية.