كتابات

داليا الياس تكتب كلو بالقانون

النيلين
مصدر الخبر / النيلين

سبعة شهور من القلق والتوتر مرت على….سبعة شهور خايفة من حق الناس وشبهة الإستغلال ..
سبعة شهور بحاول أوضح الحقيقة وصوتى رغم الإجتهاد خافت.
ورغم الإساءات الكتيييير الحصلت لى…ما كنت بتأثر ومؤمنة بعدالة السماء ومافكرت أتخذ أى إجراء قانونى وسايبة الأمور على الله .
لكن المرة دى كان الموقف مختلف …إنتحال ونصب وإحتيال وخداع وإستغلال محبة الناس فى غير محلها!!
معظم الأصدقاء تابع معاى قصة الصفحة المزيفة البتنسخ كل حرف من صفحتى وكمان عاملين فيها مبادرة كاذبة وقدروا من خلالها يجمعوا من الأحباب قروش عن طريق الحوالات البنكية وتحويل الرصيد.
ورغم العدد المهول للصفحات المزيفة لكن دى كانت أخطرهم وأسوأهم من حيث الإستغلال!
ويااااما نبهتا وإتكلمتا ووضحتا بدون فائدة.
فما كان فى مجال غير اللجوء للقانون…وبدينا بالمعلوماتية….وكانوا عند العهد وعلى قدر الثقة.
لينا شهرين شغالين فى صمت والحمد لله…
وأخيراً نجحنا أمبارح فى #القبض على المجرم المؤسس الصفحة وعامل واتس بأسمى وعامل حساب بنكى وعامل عماااايل 😂😂
وحقيقى كان إنجاز بكل المقاييس….والحمد لله…
فشكراً لشرطة ونيابة المعلوماتية…والهيئة القومية للإتصالات على الجهد الدبير والتعاون المثمر.
شكر خاص لسعادة النقيب (محمد عوض) والمتحرى المهذب ( شيبون) من المعلوماتية… ولسعادة المقدم ( محمد عبد السلام) مدير قسم البرارى …وفرد المباحث الرااائع الخلوق ( محمد عبد الله).
شكراً للناس الشغالة فى أحلك الظروف وبأقل الإمكانيات بكل همة ومسؤولية .
شكراً لى أخوى وسندى وحبيبى ( مجتبى)..
وشكراً جميلاً حميماً جزيلاً للصديق الفيسبوكى احمد ضرس العمود الفقرى للعملية.
وشكراً لكل الإصدقاء الشاركوا بالبلاغات والدعوات وكانت قلوبهم معانا.
والشكر من قبل ومن بعد للحكم العدل….ذو الجلال والإكرام….منير البصائر ومنقى السرائر…

وأجمل حاجة فى الموضوع إنى رجعت لى شغل البوليس وإكتشفت إنى خطييييرة جد😂😂
حقيقى مبسوطة من نفسى والحمد لله.

#الآن المتهم ( ر.ا.ع) قيد الإعتقال بسجن المعلوماتية حتى إشعار آخر…
سأوافيكم بالتفاصيل أول بأول ….وما حأضيع حقى وحقكم…
بعتذر لكل الناس الساهمت بمالها فى المبادرة المزعومة بكل حسن نية…أكيد فى ميزان حسناتكم…وبأذن الله نعمل مشروع خيرى حقيقى كبير ومضمون ويمشى للبيستحق.
طبعاً النيابة منعت نشر الصور والفيديوهات فى الوقت الحالى…لكن كلو موجود.
اللهم لك الحمد والمنّة والشكر…
اللهم أكفنا شر خلقك…
اللهم يسر أمرنا وهون قواسينا…

#كلوووو_بالقانون

داليا الياس ( الحقيقية )

يمكنك ايضا قراءة الخبر في المصدر من موقع النيلين

عن مصدر الخبر

النيلين

النيلين

أضف تعليقـك

تعليقات

  • قبل ايام كنت بتكسري تلج للبوليس و بقية الجهات العدلية كنت عارف انت كنت بترسمي لهذا السناريو – شجاعة و اعتذري للرجل السودان الذي اتهمتيه في اغلى ما يملك قبل ان يطلب حقه منك و بالقانون كما تتشدقي بالقانون

  • كيزان وكوزة مابختشوا..،،لاتتكلمي عن القانون انتم اول من داس علي القانون وكل القيم الاسلامية السمحة…انتظري وبقية الكيزان قانون السماء….

  • اهم حاجه ما يجوك الاجاويد وتعفي عنه خليه يكون عظه وان شاء الله يكون في قانون رادع المثال هؤلاء الفاسقين
    أن جاءكم فاسق بنبأ فتبينوا

  • عشان تعرفي مصدر روابط الحسابات في أي موقع تواصل اجتماعي او موضوع … مسالة بسيطة ما محتاجة لي ده كلوا … عندي ولدي عمره ١٨ سنة ممكن يطلعها ليكي في لحظات …. لكن وصيتي ليكي أسلم تغادري المسرح وما تفرحي لأن أي رجل مجروح في فحولته ما تقدري تتخليه حيكون كيده كيف … وحسب تصوري الغالبية العظمي من الرجال السودانيين فقدتي تعاطفهم … والمعاكي ديل جزء بسيط … بسأل وين البرنس مالوا ما ظاهر اليومين ديل

  • انتي ما قلتي في رجال السودان ما لا يقولوه أحد من قبل.
    وما هو الجديد حتي تمدحي ناقصي الفحوله ولا تنسي بأننا قوما لا ننسي ابدا.

  • من أدبيات القانون انك ما تشكر القانونين دا مجال عملهم و حتي تأثر عليهم في إصدار حكم العدل

    • شكلها حتنتقم من الفحول في الفحل القبضو ده ههههههه
      لاحظ طريقة كلامها عنه حاكمته قبل ان يتحاكم
      الزوله دي ممغوسه مغسه من الرجال هههههه
      عفارم يا داليا اردمي الرجال الجخس ديل

      • داليا ده كده خليها مشكلتها مشكلة
        بس إنتي يا أم “وجعة وغبينة” مشكلتي شنو مع الرجال “الجخس”؟
        أسلوبك عاجز لكنه بيدل على إنه الرجال الجخوس رفضوك!
        السبب شنو يا ربي؟