السودان الان

حميدتي يأمر بتأجيل مسيرة نصرة الشريعة بقيادة عبد الحي يوسف

صحيفة الانتباهة
مصدر الخبر / صحيفة الانتباهة

الخرطوم : الإنتباهة أون لاين

أمر نائب رئيس المجلس العسكري الإنتقالي الفريق أول محمد حمدان دقلو تيار نصرة الشريعة ودولة القانون بتأجيل مسيرتهم المزمعة “الاثنين”، إلى أجل غير مسمى.

وقال الفريق أول محمد حمدان دقلو في لقاء مع وفد تيار نصرة الشريعة بقيادة د. عبد الحي يوسف ود. محمد علي الجزولي (الأحد) بالقصر الجمهوري، قال: (مافي زول جاء اتكلم لينا عن الشريعة، ولا نحن قلنا مافي زول يحكم بالشريعة، عشان كدا أطلب منكم ما تعلموا لينا رأي عام، لكن بأكد ليكم أن الدين دا ما فيه لعب ونحن جينا عشان الدين).

وأضاف: (عشان نبقى واضحين، نحن بنتفاوض مع الشباب الذين قادوا الحراك وبنتحاور معاهم في تشكيل الحكومة لأن صوتهم هو الأعلى). وتابع الفريق محمد حمدان: (نطمئنكم أن الشريعة خط أحمر وما بنلعب فيه).

من جهتهم أشاد أعضاء نصرة الشريعة بدور القوات المسلحة والدعم السريع وبقية الأجهزة الأمنية الأخرى في حقن دماء الشعب، مؤكدين أنهم حشدوا الملايين لمسيرة الغد، وطلبوا السماح لهم بتسييرها، مشيرين إلى أنهم لا يتهاونون في نصرة الشريعة الإسلامية، بيد أنهم إنصاعوا لطلب النائب واتفقوا على تأجيلها إلى أجل غير مسمى.

يمكنك ايضا قراءة الخبر في المصدر من موقع صحيفة الانتباهة

عن مصدر الخبر

صحيفة الانتباهة

صحيفة الانتباهة

أضف تعليقـك