الرئيس السوداني : (العاوز السلطة بالفهلوة ما بحكم والبلد ما بنفرط فيها )

الخرطوم : جاد الرب عبيد

قطع رئيس الجمهورية رئيس المؤتمر الوطني، المشير عمر البشير، بأنهم لن يقبلوا أن تتحول البلاد الى ربيع عربي، وقال: (البلد ما بنفرط فيها عاوزين يحولوها لربيع عربي وما بنقبل بكدا، لانو ناس الربيع العربي جونا هنا بعد خراب بلادهم)، وأضاف (الناس الشتتو المواطنين في ليبيا وسوريا واليمن عاوزين يشتتو أهل السودان، لكن ناس السودان ما بتشتتو بموتوا هنا واقفين زي النخلة)، وتعهد البشير لدى مخاطبته مؤتمر شعبة أساس الوطني بكوبر أمس، بالمحافظة على البلاد، وقال: (عهدنا نحافظ عليها واقفة إلى أن يختار الشعب رئيس نسلمه ونحييه ونقول ليهو استلم)، قاطعاً بقيام الانتخابات في مواقيتها في أبريل 2020، وقال الرئيس إن الشباب من حقهم أن يتطلعوا لحياة ووضع أفضل، لكن هذا يتم بالتكاتف وليس بالتخريب، مبيناً أن هناك مبرر لخروج الشباب إلى الشارع، وقال : (طلعوا الصباح ووجدوا الرغيفة بثلاثة جنيهات شيء طبيعي جداً يخرجوا، لكن في ناس استغلوا الأمر بالتخريب والحرق والنهب)، وأردف (آخرين قالوا دي فرصة عشان يحكموا البلد، لكن الداير السلطة إلا صندوق الانتخابات يجهز نفسه، والعاوز السلطة بالفهلوة ما بحكم).