السودان الان السودان عاجل

بالصور: أسوأ من سوء ظنك به .. البشير حمل معه جوقة من الاهل والمقربين على الطائرة السعودية .. ولهذا تأخرت السفرية

صحيفة الركوبة
مصدر الخبر / صحيفة الركوبة

البشير يصل أخيراً لوجهته المعتادة في المملكة للمشاعر المقدسة في سياحة روحية عبر طائرة تتبع لوزارة المالية السعودية أعتقد (بوينغ 737) ، .
المعروف إنو الرحلة دي في أواخر رمضان معتادة للبشير من سنين طويلة للتمرغ في الضيافة الملكية ما بيغيب نهائي وهي زي حاجة ترفيهية لإسرتو والمقربين ، والرحلة كانت مقررة من 18رمضان ، لكن اظن أتأخرت بسبب الطيران لأنو طيارة جهاز الأمن صغيرة وما بتشيل الجوقة من الأسر والشفع ، يمكن أنتظرو طيارة وزارة المالية الأرسلتها الحكومية السعودية عشان تشيل الطاقم الدبلوماسي حقهم لإجازة العيد ، وقالو بالمرة نجيب البشير وأسرتو واصحابو ..
أسر المقربين منو ” طبعاً على مدار السنوات ” بيقرب وناس وبيبعد ناس السنة دي دخل صلاح قوش وأكيد معاهو زوج بتو الجديد وبقية الأسرة ،
واذكر قبل سنوات أمتعض الأمن السعودي من كترة الأسر والاطفال عبر صالات الأستقبال الملكية لأكتر من 200 فرد . والأهم إنه على الدوام بيخلفوا الأطفال والحريم بيقعدو هناك في الضيافة الملكية لحدي بعد العيد و خصوصاً الأيام دي إجازات وكهرباء مافي والبلد سخنة .
الملوك مجتمعين في مكة وهو واقف بعييد وجاري شخيط ، يا خادم الحرمين ياخي فأما السائل فلا تنهر ، وإنت الآن، معتكف في مكة لا قيهو حاجة كدة للمجاملة إن شاء الله عشان الجداد يشيل الصور ويعيد بيها .
أنا من أول رمضان كنت عايز أراهن في بوست عن الرحلة دي ، لكن قلت ياخي الطيارات معطلة والحالة المالية للشعب ما تسمح يمكن الزول ده ما يمشي ، لكن هو طلع أسواء من أسواء ظن ممكن تختو فيه .. حكاية الإمتيازات الرئاسية دي ما بيفرط فيها لو الشعب ياكل زلط .. وهي من أهم الحاجات الما حا تخليهو يسيب السلطة لأنو الآن الأسرة الممتدة ما بتشوف رئأستو أكتر من بقرة إقتصادية تحلب ليك بلا تعب ولا إضافة منتجة للبلد وما أكتر من برستيج إجتماعي .

عن مصدر الخبر

صحيفة الركوبة

صحيفة الركوبة

أضف تعليقـك